ݙالے دا بھت

ݙالے دا بھت

/ɗaːlɛː ɖaː bɦət̪/

ݙالے دا بھت سرائیکی وسوں دے لوکیں دا قدیمی کھاڄ ہے۔ ݙالا کݨک دے داݨیں چکی وچ ݙل تے بݨایا وین٘دے۔ ݙالے کوں چھاݨ تے اون٘دے وچوں باریک اٹا ان٘ج کر تے ݙالے دا مٹھا بھت بݨایا وین٘دے۔ ݙالے دا بھت بݨاوݨ دے ڈھیر سارے کرت کار ہن۔ ݙالے دا بھت ٻہوں ستت ہضم تھین٘دے۔ ہموں ݙالے دا بھت مریض کو کھوایا وین٘دے۔

سرائیکی وسوں دی من٘ڈھ قدیمی ریت امدی پئی ہے جو لوک منتاں پوریاں تھیوݨ تے، کہیں اویہہ کنوں بچݨ تے یا دھݨ دی خیر من٘گݨ کیتے ݙالے دا بھت پکا تے نکے ٻالیں کوں کھوایا وین٘دے۔ بھت کھاوݨ دے بعد نکے ٻالیں دے ہتھ بھت والے خالی تھیوݨ والے تھاں وچ دھوائے وین٘دن تے او پاݨی گھر، سالھ تے بھاݨ دی موہاڑی والی دیوار تے ترون٘ہکایا وین٘دے۔