یار محمد یارݨ
الحمدللہ. ۔ ۔ ڈھیر عرصہ پہلے کنوں گم شدہ. ہک ٻئے سرائیکی شاعر حضرت مولانا یار محمد یارݨ سئیں دے کلام دا اوتارہ تھی ڳئے
مولانا یار محمد یارݨ سئیں دا زمانہ 1890. توں. 1948 تک دا لڳدے ۔
انہاں دا تعلق موجود تحصیل لیاقت پور دے قصبے وستی چاکر خان نال ہا ۔ او تونسہ شریف نال روحانی وابستگی رکھدے ہن ۔
ایں مخطوطے وچ مولانا یار محمد یارݨ سئیں نبی سئیں دے واقعہ معراج کوں وݙی خوبی دے نال مثنوی دے انداز وچ نظم کیتے اتے کجھ ݙوڑھے وی ھن ۔
اے قدیم شاعری پہلی واری سامھیں پئی امدی اے ۔ اللہ کریم دی ݙتی توفیق نال اے کم مکمل تھی ڳئے اڳلا مرحلہ ایندی کپوزنگ تے وت اوں توں اڳلا چھاپݨ دا ہوسے ۔ اللہ مدد کریسے تے اے وی تھی ویسے ۔ دعا کریسو. .اے قیمتی مخطوطہ محترم ملک اختر شاکر ڈڈا دے وسیلے نال حاصل تھیا ہا