ہک قصہ

میں ہک قصہ اکثر سنڑدا راہندا ہم.مگر کڈاہیں وی میکوںَ اُندی سمجھ نہ آئ ہئ قصہ اے ہوندے کہ ہک پُل دے اَتوں لوک گزردے پئے ہوندن تے اُنہہ دور دا بادشاہ اُں پل تے ٹیکس لا ڈیندے کہ جیرا ایتھوں گزرسی چار آنے ڈیسی بادشاہ دا حکم ہئ جیندی تعمیل فل فور شروع تھی گئ کہیں وی نہ آکھا اے چار آنے کیوں گھندے پئے ہو پہلے وی تاں اساں گزردے رہے سے بادشاہ سوچا جنہاں چار آناں تے کاوڑ نی کیتی او آٹھ آنے کیا کوڑیسن بادشاہ کجھ مدت بعد ٹیکس ودھا کے اٹھ آنے کر ڈتا وقت گزردا گیا ٹیکس ودھدا گیا لیکن کہیں آواز بُلند نہ کیتی آخر بادشاہ دا ٹیکس ہک روپے تک پہنچ گئے ول وی چُپ انت بادشاہ حکم ڈتا کہ ہک روپیہ تے ہک کھلا ،، جوتا ،، وی نال مارا ونجے.

بادشاہ دے فوجی ہک روپیہ وی گھن گھندے ہن ہک کھلا وی مریندے ہن ول ہک ڈیوار او لوک کٹھے تھین تے بادشاہ دو گین بادشاہ حیران وی تھیا تے تھوڑا ڈرا وی کہ شاید ظُلم دے خلاف احتجاج کرنڑ آئے کھڑن دربار وچ سارے حاضر ہن بادشاہ پچھیا جی (اُناں آکھا بادشاہ سلامت رش بہوں ہوندے کھلے ،، جوتے،، مارنڑ آلے بندے ودھاو ہا) اج جیرے ویلے تنخواہ وچوں چار آنے کٹیجنڑ لگ گئے ہن تے ہولیں ہولے ٹیکس وی ودھدے ویندن تاں میکوں پتہ لگے او قصے آلی قوم ساڈی ہئ. (مخمور قلندری) م.ق