ڳوٹا کناری

ڳوٹا پَٹّی یا ڳوٹا کناری ہندوستانی کشیدہ کاری دی ہِک ونکی ہِے، جِین٘دا اَغاز ہندوستان دے علاقے راجستھان تُوں تِھیا۔ اِین٘دے وِچ ٹان٘کیاں دی تکنیک کُوں ورتیا وین٘دا ہِے۔ زری ربّن دے نِکّے نِکّے ٹوٹیاں کُوں تاݨے باݨے اُتّے لایا وین٘دا ہِے۔ جاں جو کَنّے تَلّے ٻَدّھے ون٘ڄِن اَتے وسیع نمونیاں کُوں بݨایا ون٘ڄ سڳے۔ جنوبی ایشیائی شادیاں اَتے رِیتی پہناویاں وِچ ڳوٹا کناری وݙّے پیمانے اُتّے استعمال تِھین٘دی ہِے۔

جائزہ

کُؤار دے گَھڳرے دے نال پَٹّی دی ڳوٹا کناری

ڳوٹا لکھنؤ دا سونے یا چاندی دا ربّن یا پَٹّی ہون٘دی ہِے۔ اَنجو انج چوڑائی دے اَنجو انج ٻِنّھاں رنگاں دے ربّن جیڑھے ساٹن یا جڑواں بݨے ہون٘دے ہِن، اِنّھاں کُوں وی ڳوٹا آکھیا ون٘ڄ سڳین٘دا ہِے۔ اِیہ کناری دے کَم دے نال نال استعمال تِھین٘دا ہِے۔ ڳوٹا کَم آلے کپڑے خاص موقیاں یا مذہبی موقیاں کِیتے استعمال کِیتے وین٘دے ہِن۔ ڳوٹا سونے یا چاندی دی پٹّی یا انجو انج چوڑائیاں دے اَنجو انج رنگاں دے انجو انج ربّناں کوں ساٹن یا جڑواں بݨے ہوئے سمان دی مدد نال تیّار کِیتا ڳیا ہِے۔ اِین٘دے وِچ بݨے ہوئے سونے دے کپڑیاں کُوں جارڄیٹ یا ٻَدّھݨی جئیں کپڑے اُتّے رکھݨاں شامل ہِے جاں جو انجو انج سطح دی ساخت بݨائی ون٘ج سڳے۔

اصل وِچ اصلی سونے اَتے چاندی دی دھاتاں کڈھائی کِیتے استعمال تِھین٘دیاں ہَن، جاں جو اَخِیر کار اِنّھاں کُوں چاندی دے نال تِرامے دی پرت دے استعمال نے گِھن گِھدّا ہئی کیوں جو اِیکُوں بݨاوݨ دا حقیقی طریقہ ٻہوں مہان٘ڳا ہئی۔ اَڄ کَل ٻِیا وِی وَدھ سستے مِل وین٘دے ہِن۔ تِرامیں دی جاء پولیسٹر فلم نے گِھن گِھدّی ہِے جیڑھی لوڑ دے مطابق پرت چڑھا تے دھاتی صورت ݙِتّی وین٘دی ہِے۔ اِیہ پلاسٹک ڳوٹا دے ناں نال ڄاݨیا وین٘دا ہِے اَتے ٻہوں تَکڑا ہِے کیوں جو اِین٘دے وِچ نمی دے خلاف چنڳّی مزاحمت ہون٘دی ہِے اَتے دھات اُتے مبنی ڳوٹے دے برعکس داغدار نئیں ہون٘دا۔

ٻاہرلے جوڑ

• اِیہ ڳوٹیدار لہن٘ڳا ، بالی ووڈ دا مہان٘درا ڳاݨاں ہے جیڑھا ڳوٹا کناری دے کَم دا حوالہ ݙین٘دا ہِے۔
• ڳوٹا پَٹّی ڈیزائن وِچ تازہ ترین رجحاناں دے مثالاں