ڳن٘ویری والا

ڳن٘ویری والا

(/ɠə̃ʋeːriː ʋaːlaː/)

ڳن٘ویری والا روہی وچ سن٘دھ وادی دے ویلھے دی ٹھیڑھ وسن٘دی ہے۔ ڳن٘ویری والا دے بارے آکھیا وین٘دے جو ایہ سن٘دھ وادی دے زمانے وچ وادی دے ادھاؤ وچ آباد شہر ہا۔ خیال ہے جو ڳن٘ویری والا 2600 کنوں 1900 ق م دا شہر دا ہا۔ ڳن٘ویری والا کوں رفیق مغل ہوریں ستر دے ݙہاکے وچ لدھا ہا پر این٘دی کھاٹی نہ تھی سڳی ہئی۔

ڳن٘ویری والا دی وسن٘دی ہاکڑہ دریا دی بھِک تے آباد ہئی۔ ڳن٘ویری والا دیاں زمیناں ہاکڑہ دریا دیاں واہل واہیریاں نال پیچدیاں ہن۔ ڳن٘ویری والا موئنجو دڑو کنوں 340 کلو میٹر اُبھے پوادھوں تے ہڑپہ کنوں 260 کلومیٹر لمے پچادھوں ہے۔

ڳن٘ویری والا کنوں کئی لکھتاں لبھیاں ہن جنہاں دی اکھر تختی ساڳی سن٘دھ وادی دی اکھر تختی وان٘گوں ہے۔

جے ڳن٘ویری والا دی کھاٹی کر تے لبھݨ والیاں شئیں دا کاربن ٹیسٹ کیتا ون٘ڄے، لکھتاں دی پرکھ پرچول کیتی ون٘ڄے تاں سرائیکی وسوں دی پچھوکڑ دیاں ٻہوں ساریاں رُلیاں کڑیاں لبھ پوسن۔