گورنمنٹ کالج آف ٹیکنالوجی بہاولپور
گورنمنٹ کالج آف ٹیکنالوجی بہاولپور، سرائیکی وسیب دا ہک اہم تعلیمی ادارہ جیہڑا سابقہ گورنمنٹ پولی ٹیکنیک انسٹی ٹیوٹ ہئی تے بعد وچ ہک پالیسی دے تحت اپگریڈ تھی کے ٹیکنالوجی کالج بݨ ڳیا۔ اے بہاولپور شہر اچ فرید گیٹ نال بہاولنگر روڈ دے سیٹلائٹ ٹاؤن بݨایا ڳیا ہے۔ اے ادارہ ٹیکنیکل ایجوکیشن اینڈ ووکیشنل ٹریننگ اتھارٹی تے پنجاب بورڈ آف ٹیکنیکل ایجوکیشن لہور دے ماتحت اے۔
ڈپلوما پروگرامز
لکھوایندے اچ ترئے سالہ ڈپلوما آف ایسوسی ایٹ انجینئر (ڈی اے ای) مندرجہ ذیل ٹیکنالوجیز اچ کرایا ویندے:-
- مکینیکل ٹیکنالوجی
- سول ٹیکنالوجی
- الیکٹریکل ٹیکنالوجی
- الیکٹرانکس ٹیکنالوجی
- کمپیوٹر انفارمیشن ٹیکنالوجی
- آٹو اینڈ فارم ٹیکنالوجی
- ٹیلی کمیونیکیشن ٹیکنالوجی [١]
ایندے علاوہ انہاں ٹیکنالوجیز نال متعلقہ شارٹ کورس وی کروائے ویندن۔
سہولیات
لکھوکالج اچ ہک لائبریری موجود ہے جیندی ہر شاگرد کوں رکنیت ݙتی ویندی ہے جتھوں او دوران تعلیم استفادہ کر سڳدن۔ اتھاں تمام ٹیکنالوجیز نال متعلقہ لیبارٹریاں موجود ہن جتھوں شاگرد مہارت حاصل کریندن۔ کالج وچ اقامتی ہاسٹل دی سہولت موجود ہے جتھاں رہائش دے نال میس وی قائم کیتا ڳیا اے۔ کالج اچ مسجد، کیتے تے سٹیشنری شاپ وی موجود اے۔ سپورٹس دے ضمن وچ پلے گراؤنڈ وی موجود ہن جتھاں ہر سال انٹرٹیکنالوجی، کرکٹ، فٹبال، ہاکی، باسکٹ بال تے کبڈی دے مقابلے کروائے ویندن۔
ایں کالج دا ہک اعزاز
لکھوگورنمنٹ ٹیکنالوجی کالج بہاولپور دے ہونہار طالب علم محمد طاہر نے نابینا افراد دے چلݨ پھرݨ وچ مدد تے سہولت کیتے جدید الیکٹرانک اسٹک ایجاد کیتی ہے۔ اے اسٹک نابینا افراد کوں پاݨی توں بچاؤ تے کہیں وی رکاوٹ دے سامݨے آوݨ تے الارم دے ذریعے ہوشیار کر کے رستہ بدلݨ اچ مدد ݙیسی۔ گورنمنٹ کالج آف ٹیکنالوجی بہاولپور وچ ڈپلومہ آف ایسوسی ایٹ انجینئر دے تھرڈ ایئر دے طالب علم محمد طاہر نے نابینا افراد کیتے ہک ایسی چھڑی ایجاد کیتی ہے جیہڑی نابینا افراد کوں کہیں رکاوٹ یا پاݨی توں ہوشیار کر ݙیندی ہے۔چھڑی دے تلویں حصے وچ ایسے آلات نصب کیتے ڳئے ہن جیہڑے پاݨی دے چھوندے ہی الارم وڄا کے چھڑی استعمال کرݨ والے کون ہوشیار کر ݙیندن۔ اینہی طرح ݙو جدید آلات دی مدد نال سامݨے آوݨ والے دیگر رکاوٹاں دے بارے وچ نابینا افراد کوں الارم دی صورت وچ آگاہی حاصل تھیسی تے او باآسانی اپݨا رستہ تبدیل کر گھنسن۔ محمد طاہر نے ݙسا کہ ایں چھڑی تے انتہائی کم لاڳت آئی ہے تے اگر ایندے کمرشل استعمال کوں فروغ ݙتا ونڄے تاں اے نہایت کم قیمت تے وی تیار تھی سڳسی۔انہاں نے آکھا کہ ایں چھڑی نال نابینا افراد کوں کہیں وی حادثے توں محفوظ رکھیج سڳسی۔ یاد رہے محمد طاہر محکمہ تعلقات عامہ بہاولپور دے نائب قاصد مشتاق احمد دے فرزند ہن ۔[٢]