کوالا لمپور رسمی طور تے وفاقی علاقہ کوالا لمپور جینکوں مقامی طور تے اوندے مخفف دے ایل (KL) دے ناں نال ڄاݨا ویندے۔ ملائیشیا دا قومی دار الحکومت تے سب توں وݙا شہر ہے۔ ملائیشیا دے عالمی شہر دے طور تے اوندا رقبہ 243 مربع کلومیٹر (94 مربع میٹر) تے 2016ء دے مطابق اوندی آبادی تقریباً 1.73 ملین ہئی۔ کوالا لمپور عظمٰی جینکوں وادی کلانگ وی آکھا ویندے ، ہک شہری علاقہ ہے جیندی آبادی 2017ء وچ 7.25 ملین افراد ہئی۔ آبادی تے اقتصادی ترقی ݙوہاں وچ ایہ جنوب مشرقی ایشیا وچ سب توں تیزی نال ترقی کریندے ہوئے میٹروپولیٹن علاقیاں وچوں ہک ہے۔

کوالا لمپور ملائیشیا دا ثقافتی، مالیاتی تے اقتصادی مرکز ہے۔ اتھاں پارلیمان ملائیشیا تے شاہ ملائشیا (یانگ دی‌ پرتوان آگونگ) دی سرکاری رہائش گاہ استانا نگارا وی موجود ہے۔ شہر وچ پہلے ایگزیکٹو تے وفاقی حکومت دی عدلیہ دی شاخاں دے دفاتر وی موجود ہن تاہم 1999ء دے آغاز وچ ایہ ملائیشیا دے وفاقی انتظامی مرکز پتراجایا منتقل کر ݙتے ڳئے ہن۔ تاہم سیاسی اداریاں دے بعض حصے ہݨ وی کوالا لمپور وچ موجود ہن۔ کوالا لمپور ملائیشیا دے ترئے وفاقی علاقہ جات وچوں ہک ہے۔[١]

حوالےلکھو

  1. تحقیق تے لکھت، اسماعیل بھٹہ