کائنات

کائنات دی تعریف سادہ الفاظ اچ تاں ایویں کیتی ونڄ سڳدی ہے کہ اوہ سب کجھ جیہڑا موجود ہے اوہا کائنات ہے۔ بنیادی طور تے ݙو ہی چیزاں ہن جیہڑے موجود دے دائرے اچ آندن۔ 1- مادہ تے 2- توانائی، لہٰذا کائنات کوں ایویں وی آکھ سڳدے ہیں کہ تمام مادے تے توانائی کوں ملا کے مشترکہ طور تے کائنات آکھا ویندے۔ گو عموماً کائنات توں مراد اجرام فلکی تے انہاں دے مابین موجود فضاواں تے انہاں دے مربوط نظام گھدی ویندی ہے جیہڑے قدرت دی طرفوں بݨائے ڳئے ہن مگر درحقیقت کائنات اچ اوہ سب کجھ ہی شامل ہے جیہڑا موجود ہے۔ بعض اوقات ایں لفظ دا استعمال انسانی حیات تے اوندے متعلقہ چیزاں کیتے وی کیتا ویندے تے اتھاں وی ایندے توں مراد ہر موجود شے دی ہوتی ہے، اتھاں تک کہ انسانی تجربات تے خود انسان وی ایں دائرے اچ آندن۔