ڈیرہ نواب صاحب اسٹیشن

سیانڑے آھدن لکھ مرے لکھ پال ناں مرے نواب سر صادق محمد خان عباسی بھشتی ( پنجم ) جھوک لڈا تے ویندا گیا تے ریاست دی مڈی لڈھاں تے چندریاں دے ھتھ لگ گئی عباسیاں دے آپت دے جیھڑیاں وی اپنڑاں کم ڈکھایا تے ریاست دے ورثے دا ککھ ناں بچیا اے فوٹو ڈیرہ نواب صاحب ٹیشن دی اوں عالی شان عمارت دے ھن جیکوں ڈیکھ تے ھاں ٹھر ویندا ھا ؛ ھنڑ اتھاں کتے روڑدن ؛ شھھر دے سبھے نشئی نشہ پتہ کریندن ؛ بدکردارے لوس مریندن ایں جاہ تے نواب سر صادق محمد خان عباسی بھشتی ( پنجم ) دی سواری کیتے گاڈے کھڑدے ھن ؛ نواب صاحب برصغیر پاک و ھند اچ جیڈے ونجنڑاں ھووے ھا ؛ اے گاڈے گاڈی نال لا ڈتے ویندے ھن انھاں گاڈیاں اچ سمورا گھر ھوندا ھا ھک گاڈے اچ باورچی خانہ ھا ھک گاڈا نواب صاحب دے نوکراں کیتے ھا ھک گاڈا نواب صاحب تے انھاں دی اوواواڑی کیتے ھا گاڈے چونڑویں تے منے تنے ھوئے کاریگراں نے بنڑائے ھن تے ایڈے سوھنڑے ھن جو ڈیکھنڑ آلیاں دا وات پٹیج ویندا ھا اے گاڈے ڈیکھنڑ دے ڈاہ دے ھن ؛ انھاں کوں ڈیکھ تے لوگ سکاں لھیندے ھن ؛ ٹھردے ھن ؛ خش تھیندے ھن.

عمارت دی تباہی

لوگ ڈسیندن جو اتھ ایڈیاں رونقاں ھوندیاں ھن جو لوگ ٹر تے پرے پرے کنوں آندے ھن نواب سر صادق محمد خان عباسی بھشتی ( پنجم ) 1966 اچ جھوک لڈائی تے ول ریاست اچ لوٹی پئے گئی ایں عمارت کوں ھنڑ وی سمبھالیا ونجے اے حکومت دا فرض ھے حکومت اے کم کریسی تاں احسان کیناں کریسی. (سلیم خان نیازی)