ڈرنگ اسٹیڈیم، بہاولپور
بہاولپور چڑیا گھر دے مین گیٹ دے بالکل سامݨے موجود گیٹ ڈرنگ سٹیڈیم بہاولپور دا اے. دور برطانیہ دے زمانے دا نوآبادیاتی طرز تے بݨایا ڳیا اے سٹیڈیم وسیع رقبے تے مشتمل اے تے شہر دے سہݨپ وچ وادھا کریندے. ایندے وچ کرکٹ گراؤنڈ و پویلین، ہاکی گراؤنڈ کمپلیکس، جوگنگ ٹریک، باسکٹ بال نیٹ تے پچ، والی بال دا حصہ، فٹبال گراؤنڈ، سٹیڈیم دا فضائی نظارہ کرݨ واسطے لکڑ دا بلند چبوترا، سوئمنگ پول تے بہاولپور شہر دا گھنٹہ گھر واقع ہے جیندی گھنٹی دی آواز ہر گھنٹہ گزرݨ تے پورے شہر وچ سݨائی ݙیندی اے. بہاولپور دے لوگاں واسطے درحقیقت اے ٻہوں پرسکون تے تفریحی مقام اے.
