چشمہ سرائیکستان دے ضلعے میانوالی دی ہک یونین کونسل ہے۔ [١]

چشمہ بیراج لکھو

چشمہ بیراج (Chashma Barrage) پاکستان دے صوبے پنجاب، سرائیکی وسیب دے ضلع میانوالی اچ دریائے سندھ تے واقع ہک بیراج ہے۔ چشمہ بیراج آبپاشی تے سیلاب توں بچاو کیتے استعمال کیتا ویندے۔ چشمہ بیراج 1966ء وچ شروع تھیا تے 1971ء وچ مکمل تھیا.چشمہ بیراج توں ݙو نہراں کڈھیاں ڳن۔ چشمہ جہلم لنک کینال مشرقی سایئڈ توں تے رائیٹ بینک کینال مغربی سائیڈ توں۔ رائیٹ بینک کینال دی سائیڈ تے ھائیڈرو پاور پلانٹ وی بݨایا ڳیا ہے جیہڑا 180 میگاواٹ تک بجلی پیدا کر سڳدے جبکہ ہک ٻئی نہر رائیٹ تے زیر تجویز ہے جس تے ہک ٻیا ھائیڈرو پاور پلانٹ وی زیر غور ہے۔ ایہ جیں جگہ بݨایا ڳیا، اتھاں ہک گرانہہ بکھڑا شریف آباد ہئی جیہڑا تلوکر دا پہلا گرانہہ منا ویندے ایندے جنوب وچ ݙوجھا بکھڑا میاں غلام محمد ہئی تے شمال وچ دولانوالہ ہئی۔ ایندے شمال وچ مہاݨا والہ۔ حسین خیلانوالہ تے اوندے شمال وچ سیلو تے ٻاݨ دے گرانہہ آباد ہن۔ ایں وقت چشمہ بیراج دے ݙوہاں طرف تلوکر قبیلہ دے آبادیاں ہن۔ ایندے مشرق وچ کچہ کالو، شیرے خیلانوالہ، یارو خیلانوالہ تے سکو خیلانوالہ ہن جبکہ مغرب وچ شہباز خیلانوالہ، جلال خیلانوالہ، فوجے خیلانوالہ تے بلوچی خیلانوالہ ہن۔ اڄ کل ایہ یونین کونسل کچہ گجرات دے نال ہے جبکہ پہلے ایہ یونین کونسل کھولہ دا ہی حصہ ہئی۔ ایہ ساری آبادی قدیم بکھڑا توں بچ ونڄݨ والے رقبے تے مشتمل ہے تے موضع بکھڑا سݙیندی اے۔ چشمہ بیراج و جھیل دی وجہ توں کچہ وچ وسݨ والے تلوکر قبیلہ دے لوگ تاں اپݨے تھل دے گھراں وچ منتقل تھی ڳئے جیہڑے ڈنگ کھولہ وغیرہ تے مشتمل ہن جبکہ باقی دے متاثرین مختلف جاہواں تے نقل مکانی کر ڳئے جنہاں وچ کندیاں، علووالی تے دوآبہ دے نال میانوالی و عیسیٰ خیل و آس پاس دے علاقے شامل ہن۔ تقریباً 28 موضع جات ایں چشمہ بیراج دی وجہ توں متاثر تھئے۔ انہاں متاثرین وچ تلوکر قبیلے دی تعداد سب توں زیادہ ہے۔

حوالے لکھو

  1. انگریزی ویکیپیڈیا کے مشارکین |url =https://en.wikipedia.org/w/index.php?title=Chashma,_Pakistan&redirect=no&oldid=724662045 |title =Chashma, Pakistan|date =