پی ٹی وی نیشنل ملتان
پاکستان ٹیلی ویژن نے اوندے سرائیکی وسیب دے مرکز ملتان توں چھی فروری 2023ء کوں ہک سرائیکی زبان دے سرکاری ٹی وی چینل پی ٹی وی نیشنل ملتان قائم کیتا تے اوندی ٹیسٹ سروس دا آغاز کر ݙتا۔ مزید یوٹیوب تے ایں چینل دا لنک وی ݙے ݙتا اے جتھوں اے چینل ݙکھیج سڳدے۔ پی ٹی وی نیشنل ملتان سرائیکی زبان وچ روزانہ چھی گھنٹے براہ راست نشریات پیش کریندے تے باقی پروگرام ریکارڈ شدہ ہوندن۔ سرائیکی وسیب کیتے اے ݙینہہ تے اے کم تاریخ ساز اے۔