پیلوں گوشہ، اسلم رسولپوری

پیلوں گوشہ اسلم رسول پوری، بشکریہ ڈاکٹر انوار احمد

ایں جیندے جہان تے آیم تے میں ڈٹھم وہندا ہک دریا۔ایں دریا دی منڑ تے ساڈی وستی جیندا ناں ھا وستی کوٹلی خدائی مطلب ایندا خدا دی وستی۔دل دریا کوں ڈیکھاں شام سویرے روح کوں آوےتار متاراں مستی ۔ ایں دریا توں نکلن واہ وہیرے ناڑیاں کڑیے کھالے انت شمار توں باہروں اتھاوں لبھم رمز الستی۔جیڑھا بھریاہریا ھووے اوہو ونڈ تے کھاوے۔ جیویں دل دریا وچ وہندن ناڑیاں کڑیے کھالے۔میں وستی چھوڑی دریا میکوں ناں چھوڑے میڈے دل وچ وہندا راھوے۔میں شہر بزاریں گوٹھ ہنبھاہ پھردا پھردا رسول پور احمدانی قوم دی یونیق وستی رسول پور دی سانجھی اوطاق تے بریک لایم اتھاں بیٹھا اسلم خاں رسول پوری تے نال ہوندے نو ڈاہ بندے ۔اسلم خاں میڈی وستی وہندے دریا دیاں بھاندا ڈیوے بندے نظرن میکوں کڑیے کھالے ناڑیاں وہندے واہ وہیرے۔میں سوچیم ایہو دریا میڈے اندروں وہندے ایندے نال الاواں ہکے لحظے میڈے چوڈاں طبق روشن تھی گے ۔علم دا سندھو مت منہ تار پیا وہندا ہا میں ایں دریا توں علم دیاں سو غاتاں گھدیم ۔ایں خواجہ خضر دے سنگتی دا ڈوجھا درشن ڈاکٹر انوار دے جگ مشہور رسالے پیلوں دے وچ پاتا گوشہ اسلم رسول پوری دی سرخی کاتب خوب ٹھہائی۔حق با حق رسید شکریہ ڈاکٹر انوار آپ کا شکریہ آپ نے روشنیوں کی چین ماڑی دور دیہات میں بیٹھے ہوئے قلندر کو تلاش کیا اور اس کے رتبے کے مطابق تخت پر بٹھایا۔آپ کی شناخت کے کئی معتبر حوالے ہیں سرائیکی خطے میں پیلوں کا اجرا تاریخی کارنامہ ہے۔ ہر کتاب اپنے خالق کی بقاء کی ضامن ہوتی ہے۔مثنوی ہے تو مولانا روم تھا ۔ مثنوی نہ ہوتی تو مولانا روم کو کہاں ڈھونڈھتے۔ دیوان فرید موجود ہے تو فرید صدیوں کا سفر بڑے وقار سے جھاگ آیا ہے۔ پیلوں میں چار زبانیں ہیں میں نے اپنے قاری پر ترس کرتے ہوئے یہ پوسٹ دو زبانوں میں کی ہے۔

صوفی تاج گوپانگ