پیبلو نرودا (رفعت عباس)

حکایت

پیبلو نرودا

دھمی دی چا بیٹھا پیندا ہَم'پیبلو نرودا آکھیا "تو سان تیاگو کیوں نی آ ویندا'ڈوہیں کٹھے کافی پیندے ہیں'اج دا ڈینہ کٹھے گزریندے ہیں

ملتان توں سان تیاگو تئیں کلام دا ہک ویزا خود نرودا جاری کیتا'چاء اپنڑی ادھ پیتی کیتم چلی پجیم'بہوں لمبیاں بارشاں پِچھوں نرودا سمندر دے کنارے اپنڑی شاعری دے محل وچ دھپ تے سیب دی نرہانڑ تے میڈا تانگھی ہا' نرودا دھمی دے لباس وچ تے 2018 دا اسمانی نیلا ہیٹ اوں پاتا ہویا'اوندے پیریں وچ تیز نیلی کپڑے دی جُتی ہئی'ایہ نرہانڑ کافی دے الہام وچ دیر تانڑیں چلدی رہی'نرودا ازلا نگرا دے اپنڑے محل توں سمندر کوں ڈٹھا تے ازل ابد دی جھال اوندے منہ تے ہئی'اوندی شاعری بارے بولیم......ٹماٹر دا گاونڑ.....کپڑیاں دا گاونڑ.....بالیں دے پیریں دا گاونڑ.....ماچو پچو دیاں پہاڑیاں دی وار......نرودا کِھلیاتیکوں پتہ ہے انہاں میکوں 1973 وچ قتل کیتا"......."میکوں خبر اے23 ستمبر 1973"....."پنوشے پہلے آلندے کوں قتل کیتا ڈو ہفتے پچھوں میکوں"....."اوں ویلے میں سولہ سال دا تے وستی اپنڑی رہندا ہم میکوں ایں قتل دی بہوں بعد وچ خبر مِلی" اونکوں ڈسیم'ڈوپہراں تئیں بارش تھیونڑ پے گئی نرودا رنگلا ہک چھاتا کرسیاں اُتے لا ڈِتا

پیبلو نرودا وت کافی بنڑا آیا تے بولیا "جاہ تے ویلے توں اگونہی شاعری ہک وڈی سانجھ اے"....."ساڈے وچکار ہک بئی وی سانحھ اے'اساں ڈوہیں دے پیو ریلوے ملازم ہَن"آکھیم

1)پیبلو نرودا:چلی(جنوبی امریکہ)دا جہان ہُلیا شاعر

2)سان تیاگو:چلی دا دارالحکومت

3)پنوشے:جنرل پنوشے جیں 17 سال چلی وچ مارشل لایا

4)آلندے:سلواڈور آلندے چلی دا مارکسسٹ صدر تے نرودا دا دوست