پطرس دا ݙوجھا خط

پطرس دا ݙوجھا خط'(Second Epistle of Peter) جینکوں 2-پطرس وی لکھا ویندے، عہد نامہ جدید وچ شامل ہک تحریر ہے جیہڑی پطرس حواری نال منسوب ہے اگرچہ بالکل ابتدائی مسیحی علما وچوں وی کئی اینکوں جعلی تے مشکوک قرار ݙیندے ہن۔ ول چوتھی صدی اچ آ کے اینکوں باقاعدہ پطرس دا خط منا ڳیا تے اینکوں شامل کتاب کیتا ڳیا، دور جدید دے اکثر ماہرین اینکوں جعلی قرار ݙیندن کہ پطرس دی طرف ایندی نسبت درست نی۔

پطرس-2 وچ یہوداہ دے کئی اقتباسات موجود ہن یا یہوداہ دے خط وچ ایہ پطرس دے ایں خط توں اخذ کیتے ڳئے ہن، باب 2 یہوداہ دے خط نال نمایاں طور تے مشابہت رکھدا ہے۔

مواد

ایں خط دا اسلوب تے مواد پطرس دے پہلے خط توں بالکل جدا ہے۔

خط دا مواد کافی حد تک یہوداہ دے خط نال مماثلت رکھدا ہے، 1:5 یہوداہ 3 توں ; 1:12 یہوداہ 5 توں ; 2:1 یہوداہ 4 توں ; 2:4 یہوداہ 6 توں ; 2:5 یہوداہ 5 توں ; 2:6 یہوداہ 7 توں ; 2:10–11 یہوداہ 8–9 توں ; 2:12 یہوداہ 10 توں ; 2:13–17 یہوداہ 11–13 توں ; 2:18 یہوداہ 16 توں ; 3:2ایف یہوداہ 17ایف توں ; 3:3 یہوداہ 18 توں ; 3:14 یہوداہ 24 توں ; اور 3:18 یہوداہ 25 توں ۔ کیونکہ یہوداہ دا خط پطرس-2 دے مقابل بہت چھوٹا ہے تے ایندے خاص اسلوب دی تفصیلات دی وجہ توں ماہرین ایں خط دا ماخذ یہوداہ دے خط کوں قرار ݙیندن ۔

خاکہ

عام طور تے خط کوں درجہ ذیل دے طور تے پیش کیتا ویندے ۔

• خطاب (2 پطرس 1:1–2)
• مسیحی فضیلت کیتے نصیحت (2 پطرس 1:3–21)
• جھوٹے اساتذہ دی مذمت (2 پطرس 2:1–22)
• تاخیر آمد ثانی (2 پطرس 3:1–16)
• حتمی نصیحت تے Doxology (2 پطرس 3:17–18)