پردیس وچ عید ( عید دا ڈیہنہ وار )

عید ہک خوشی دا ݙینہ وار ہے ـ ہر مذاہب وچ عید منائی ویندی ہے لیکن سب دے طور طریقے الڳ الڳ ہن.

اسلام ہک واحد مذہب ہے جو ہک سال وچ ݙو عیداں منیندے تے ݙوہاں عیداں مݨاوݨ دا الڳ الڳ انداز ہے ـ

مسلمان پہلی عید مناوݨ توں پہلے روزے رکھیندن ـ اے روزے کݙاہیں تریہہ تے کݙاہیں انتری ہوندن ـ

تے ݙوجھی عید آلے ݙینہ آپݨی حسب توفیق جیں کوں اللہ نے سرمایا ݙتا ہوندے اوہ جانور دی قربانی کریندے تے اے قربانی اساکوں حضرت ابراہیم علیہ السلام دی قربانی یاد ݙیویندی ہے ـ جینکوں اساں سنت ابراہیم وی آکھدوں ـ

پردیس وچ پردیسی دی عید

اڄ عید دے ݙینہ دی سویر تھئی ـ اٹھی تے غسل کر تے مسیت ڳیاں ونڄ تے نماز پڑھی ـ مسیت وچ کوئی آپݨا سنگتی سجݨ رشتے دار کینا ہا جینکوں بھاکل پا تے ملا ہا ہر کوئی ہک ٻئے کوں بھاکل پا تے ملدا پیا ہاں ہک میں ہم جو سب دے منہ ݙو ݙہدا کھڑا ہم ـ دل ٻہوں اداس تھیاـ ٹھڈڑہ ساہ نکھتے ـ

آپݨے وطن کوں یاد کریندا ہویا گھر آ ڳیاں ـ

ݙ

ڄاہ وجے صاحب دےڳگھر گیاں اتھاں ݙاند قصائی نے بݨایا گوشت گھن تے آیاں ـ اتنے توڑیٻئ ہک بے پردیسی سنگتی دا واٹس ایپ تے میسج آیا جو یار گھڑی تے چھ دا وقتڳئتھی گے ݙگر وڈی دے ںہوندی ہوئیں وی حالی توڑیں گوشت دا منݙٹی ڈیٹھا ـ میں اونکوں ݙسرا ڈتے صبر کر گوشت پئےدا پے کھٹھے کمسوں

ݙوہڑے

پردیس دے حالات کوں ڈہدیں ہوئیں میڈا ڈاہدا دل ڈکھیے تے ول میں قلم چا تے اے ڈوہڑے لکھیم

پردیسی وچ پردیس لوکو دیس کوں یاد کریندن نیر وہندن

ہک پل نی چین نصیب تھیندا پے جگارے یار کٹیندن نیر وہندن

وطن آلیں دیاں سݨ ڳالھیں تے ہاں تے جگر سڑ ویندن نیر وہندن

فرھاد جڈاں پردیس دے وچ کلہیں عید منیندن نیر وہندن

وطن وسیب دے او لوک جہناں نے کڈاہیں پردیس دا منہ نی کیتا او سمجھدن جو اے لوک پردیس ونج تے بہوں خوش ہوندن انھاں کوں کوئی ڈکھ نی ہوندا تے درختاں کوں پیسے لگے کھڑے ہوندن تے اے پٹ تے اساڈے کول پٹیندن

او دور چلے ڳن جڈاں صاحب امدا کریندے ہن ـ ہن تاں اے لوک اساں غریب لوکاں دی مجبوری کنوں فیدہ چیندن

ڈوہڑے ڈیکھو

پردیس تے روزی سوکھی نی کوئی ونج آکھے میڈے گھر اے

سر اچا کر تے ٹردا ہم اڄ نیوا میڈا سر اے

جہڑا. ؤ دا لوظ نہ سہندا ہا مجبور کیتا چا زر اے

فرھاد جھݨرک جے ڈیوے کوئی سڑ ویندا ہاں تے جگر اے

اپݨے وطن تے روزی ڄل کروں اتھاں روزی ہے احساس کینی

بھانویں جتنے وی پر درد ہوؤں کئی ملدا درد شناس کینی

نت روز جگارے کٹ کٹ تے ریہا جسم دے اتے ماس کینی

فرھاد پردیس کوں چھوڑ ڈیووں کئی زندگی دا وسوس کینی

لکھت فرھاد فریدی قلندر آباد گلستان جوہر کراچی

عید دا پہلا وار

10/07/2022

ٹائم 6/20pm