پاکستان ٹیلی ویژن نیٹ ورک

پاکستان ٹیلی ویژن نیٹ ورک (انگریزی: Pakistan Television Network) حکومت پاکستان دی ملکیت پاکستان ٹیلی ویژن کارپوریشن (Pakistan Television Corporation) دے زیر انتظام بعید نما نظام ہے۔ ایہ "PTV" دے ناں نال عام ڄاݨا ویندے۔

قیام

پاکستان اچ ٹیلی ویژن دا آغاز 26 نومبر 1964ء کوں لاہور دے اسٹیشن توں تھیا۔ حکومت پاکستان نے اکتوبر 1964ء اچ تجرباتی بنیاد تے جاپان دی ہک فرم نپن الیکٹرک کمپنی دے تعاون نال پاکستان دے ݙو شہراں لاہور تے ڈھاکہ اچ ٹیلی ویژن اسٹیشن کھولݨ دا فیصلہ کیتا تے 26 نومبر 1964ء کوں لاہور تے 25 دسمبر 1964ء کوں ڈھاکہ وچ ٹیلی ویژن اسٹیشن کھولے ڳئے۔ ایہ ݙوہیں اسٹیشن شروع اچ روزانہ ترئے گھنٹے دی نشریات دا اہتمام کریندے ہن تے ہفتے اچ ہک ݙینہہ یعنی سوموار کوں ٹی وی دی نشریات نہ نشر تھیندے ہن۔ شروع شروع وچ ٹی وی دے تمام پروگرام اسٹیشن اچ تیار نہ تھیندے ہن بلکہ نشریات دا زیادہ حصہ درآمدی تے دستاویزی معلوماتی پروگراماں تے مبنی ہئی۔