پاکستان دی قومی تے رابطہ زبان سرائیکی

بلاشبہ سرائیکی پاکستان دی رابطہ تے قومی زبان بݨن دا حق رکھدی اے کیوں جو زبان دا تعلّق زمین نال ہون٘دے، سرائیکی دا خطّۂ زمین پاکستان دے چارے صوبیں وِچ موجود اے۔ اے ہِک تسلیم شدہ حقیقت ہِے جو سرائیکی زبان پاکستان دے کئی حصّیاں وِچ پھیلی ہوئی ہِے۔ تے ہِک وسیع ادبی زبان دی حیثیّت رکھدی ہِے۔ اے ہِک مشاہدہ ہِے جو سندھ دے دیہاتی جݙاں کݙان٘ہِیں اُردو دان دے نال ڳالھ مہاڑ کریندِن تاں سرائیکی زبان کُوں اُردو سمجھ تے اینکوں اپنے اظہارِ خیال دا ذریعہ بݨین٘دِن۔ ایندے نال اپردو دان حضرات کوں اُردو دی وسعت تے ایندی عام فہمی دے متعلق خوش فہمی پیدا تھئی ہِے۔ سندھ دی سرائیکی زبان تے ضلع ڈیرہ غازی خان دی زبان دا کافی اثر ہِے۔ سندھ دے مشہور تاریخی تے سرحدی شہر کشمور وِچ وی اکثر دیرہ غازی خان تے کوٹ مٹھن شریف دی سرائیکی زبان الائی وین٘دی ہِے۔ روجھان مزاری تُوں گِھن تے ضلع جیکب آباد دے اُتلے علاقے تحصیل نصیر آباد، روجھان جمالی، اوستہ محمد، جھل مگسی، کچھی، بھاگ ناڑی تے سبی وِچ دیرہ غازی خان دی سرائیکی رائج ہِے۔ سندھ بہاولپور تے خیر پور دی سرائیکی دے درمیان کہیں قسم دے فرق دا سوال ای پیدا نی تھیندا۔ کیوں جو اے سارے علاقے ہِک لسانی خطّے وِچ شامل ہِن۔ اتے سرائیکی ریاست خیر پور دی قومی زبان رہ ڳئی اے کیوں جو ریاست خیر پور دے تالپور نواب سرائیکی ہن۔ اُردو زبان دا خطّۂ زمین پاکستان وِچ کینھی، ایں واسطے ہزار کوشش دے باوجود اُردو اجاں تک نہ رابطے، نہ نصاب اتے نہ وت دفتری زبان دا درجہ حاصل کر سڳی اے اگر سرائیکی کوں اے مقام ڈتّا وین٘دا تاں اڄ نتیجے مختلف ہوون ہا اَتے قومی دھارے تے این٘دے مثبت اثرات مرتّب تِھیون ہا۔

سرائیکی زبان دی آبادی

ٻیا ݙیکھو

• سرائیکی وسیب اَڄ وی عظیم اے۔
• سرائیکی قدیم زبان اتے تہذیب۔
• سرائیکی دا معنیٰ۔
• چولستان دے پُراݨے سرائیکی وستیاں۔
• سرائیکی وسیب دی مختلف زمانیاں وِچ ونڈ۔

ٻاہرے رابطے

• جھوک پبلشرز دے کتاباں۔
• سئیں ظہور دھریجہ دا تعارف اُردو زبان وِچ۔ ۔ ۔ ۔ ۔ ۔ ۔

MubasherKaleem (ڳالھ مُہاڑ) ١٨:٣٢, ٦ فروری ٢٠٢٢ (PKT) ۔