ٻیلوٹ
کافر کوٹ (قلعہ ٻیلوٹ )
اٹھویں صدی عیسوی اچ سندھو دریا دی پچادھی کندھی تیں تیار تھیوݨ آلا اے تریخی قلعہ ٻیلوٹ جیکوں اڄ کافر کوٹ دے ناں نال یاد کیتا ویندے وکھرے کشمیری ترض تعمیر آلیں ترائے انوکھیں عمارتیں تیں مشتمل اے جیندی پہلی ترائے منزلہ عمارت بغیر کہیں پیلر جا ٹیئرگاڈر دے اٹھویں صدی دے شروعات اچ ٻݨایا گئے اتے ݙوجھی قـلعہ نما راج نیتک عمارت بغیر کہیں ٹیئر گارڈر دے ݙھاویں صدی اچ ٻَݨایا گئے. انھیں شاندار عمارتیں اچ ݙو سو سال تک سرائیکی وسیب دیرہ اسماعیل خان دے وسدڑ سرائیکی لوک ایتھاں راج کریندے رہیےاتے ایں راج کوں اُدھے شاہی راج آکھیا ویندہ رہے گئے ایں اُدھے شاہی راج دے لوکیں دا تعلق ہندوازم نال ہائی اتیں ایں راڄ شاہی دا آخر راجہ عَکنفر راجے دا پتر راجہ سیفل ہائی جینکوں قلعہ آمریقہ میاں والی '' جیکوں ہݨ امب مندر جا قلعہ امب شریف آکھیا ویندے '' راجہ آمریقہ دی دھی نال عشق تھیندے اتے راجہ آمریقہ راجہ سیفل دا سر قلم کر ݙیندے اتے ٻیلوٹ قلعہ یعنی کافر کوٹ دا دھینت تھی ویندے اتے ایویں کرݨی دی بھرݨی موجب راجہ آمریقہ دی راج نیتی اتے قلعہ امب شریف کوں کئی صدیاں باد محمود غزنوی تباہ کریندے اتے ݙوہیں قلعیں یعنی راجہ سیفل دا قلعہ ٻیلوٹ جا کافر کوٹ اتے راجہ آمریقہ دا قعلہ امب شریف ہمیش ہمیش کیتے تباہ و برباد تھی ویندین اتے تریخ دے ہتھوں ہمیش ہمیش کیتے عِبرت بݨ ویندین. ہݨ کافر کوٹ جا ٻیلوٹ قلعہ اپݨیں انوکھی ترض تعمرات اُتیں مشتمل اڄ دی نویں جنریشن کیتے کہیں عجموبے کولو کم کینی اتے ہمیش کیتے راہسی.
عابد بزدار