ٻارھاں تریݨ

ٻارھاں تریݨ

اے کھیݙ وسیب دی ہراݨی کھیݙاں وچوں ہک کھیݙ ھ. ایں کھیݙ وچ ݙو کھݙکار کھیݙ سڳدن. اتے ہر کھݙکار کوں ٻارھاں گوٹیاں دی لوڑھ ہوندی ھ جیویں ناؤں تریݨ وچ ناؤں گوٹیاں دی لوڑھ ہوندی ھ. ایں کھیݙ وچ وی کھݙکار ڳوٹیاں واسطے بھیݙ یا بکری دیاں پھینگڑیاں، پنڈ دیاں ڳٹکیں، مٹی دے چھوٹے چھوٹے وٹے، یا چھوٹی بجری دے داݨے یا لکڑ دے چھوٹے چھوٹے ٹکڑے ایں طرحاں دیاں چیزاں کوں ڳوٹیاں بݨندن. ݙوہیں کھݙکار ٻارھاں ٻارھاں ڳوٹیاں دا سامان کریندن. ول دھرتی تے یا وت کہیں، ڳتے تے، کاغذ یا وت کہیں پھٹے تے تریݨ لکیندن. ایں تریݨ وچ ٻارھاں ٻارھاں ڳوٹیاں رکھݨ دی ھاہ ہوندی ھ تے صرف چول چلݨ دی وی جاہ ہوندی ھ. ہک کھݙکار پہلے چول چلدے. ایں تریݨ وچ ڳوٹی مارݨ سانگے ݙوجھے کھݙکار ڳوٹی دے اتوں گوٹی لنگھ ونجے تے اڳوں ڳوٹی رکھݨ کیتے خانہ وی خالی ہوے ناں تاں ڳوٹی دی چول کائنی ہوندی. ایویں ݙوہیں کھݙکار ہک ہک ٻئے دیاں ڳوٹیاں مریندن ویندے تے جیندیاں ڳوٹیاں پہلے مرونجن او ہر ویندے. یا وت ہک کھݙکار دی ڳوٹیاں پھس ونجن چال نہ بچے او وی ہر ویندے. اتے ناؤں تریݨ وچ وی کھݙکار ہک ٻئے دی چال ٻدھݨ دی کوشت کریندن جیہڑا کھݙکار ݙوجھے کھݙکار دی چال ٻدھ ونجے او وݙا کھݙکار سمجھیا ویندے