اِیہ سرائیکی وسیب دا خِطّہ ہِک ٻہوں قدیم اَتے لوک تہذیب تے لوک ثقافت دا ڳڑھ ہِے۔ اِیں سانڳے اِتّھوں دے انجو انج شہراں وِچ انجو انج مزاج دے لوک رہن٘دے ہِن۔ اِتُّھوں دے لوک ادب دا تذکرہ وی ٻہوں وسیع اَتے پھیلاء آلا ہِے جیکُوں ہِک جاء تے کٹّھا کرݨ ٻہوں اوکھا کَم ہِے تہوں اِیکُوں اساں انجو انج شہراں دے ناں دے نال اُنّھاں دے لوک ادب (Folklore) دے حساب نال ونݙین٘دے ہِسے۔

وہاڑی (ضلع) لکھو

جُغرافیہ لکھو

ضلع وہاڑی ملتان تُوں 100 کلو میٹر، جاں جو بوریوالہ تُوں 35 کلو میٹر دے فاصلے تے ہِے۔ اِیہ ضلع ݙو دریاواں ستلج تے سکھ بیاس دے وِچکار ہِے۔ ہِک زمانے اِیکُوں نیلی بار دا علاقہ وِی آکھیا ویندا ہَا۔ اِیں ضلعے دے جنوب والے پاسے ضلع بہاول پور تے بہاول نگر ہَن۔[١]

لوک ادب لکھو

اَدبی حوالے نال ضلع وہاڑی وِچ ٻہُوں ساریاں اَدبی ثقافتی تنظیماں ہَن۔ قندیلِ اَدب، بزمِ ساغر، غالب اَکیڈمی، اَدب پریت، بزمِ علم و فَن انٹرنیشنل، تے اَدبی اَکیڈمی اِتھوں دِیاں معروف اَدبی تنظیماں ہَن۔

محقق، نقاد تے اُستاد اَسلم رانا دا تعلق اِیں شہر وہاڑی نال ہِے۔ اُنہاں دِیاں ٻہُوں ساریاں تصانیف ہِن، سَچل سر مستؒ، اَحوال تے آثار، سرائیکی کلام دا تنقیدی جائزہ، مرزا صاحباں (پیلو)، مقدمہ تہذیب تے ترتیب، انہاں دیاں اہم تصانیف ہن۔[٢]

بوریوالہ (تحصیل) لکھو

جُغرافیہ لکھو

ضلع وہاڑی دا ہِک مشہور شہر ہے۔ اِیہ وہاڑی تُوں 35 کلو میٹر دے فاصلے تے ہِے۔

لوک ادب لکھو

ضلع وہاڑی دا ہِک مشہور شہر ہے۔ اِیہ وہاڑی تُوں 35 کلو میٹر دے فاصلے تے ہِے، ’’بورے والا تاریخ کے آئینے میں‘‘ عبدالغفار پاشا دی تصنیف ہِے، معروف شاعر اَدیب، نقاد تے محقق ڈاکٹر نوید شہزاد دا تعلق وِی بورے والا نال ہِے۔ ضلع ملتان ، تاریخ، ثقافت، لوک ادب اُنہاں دا تحقیقی تذکرہ ہِے[٣]۔

میلسی (تحصیل) لکھو

جُغرافیہ لکھو

میلسی، ضلع وہاڑی دی تحصیل ہِے، اِیندی بُنیاد محمد علی خان عرف میلسی خان نے رکھی ہَئی۔

لوک ادب لکھو

میلسی، ضلع وہاڑی دی تحصیل ہِے، اِیندی بُنیاد محمد علی خان عرف میلسی خان نے رکھی ہَئی۔ ہِک زمانے وِچ اِیں شہر دے چار دروازے ہَن بیکانیری، ملتانی، لوہاری تے کہروڑی دروازہ۔ اِیں شہر اُتے ملتان، بہاول پور دی ثقافت دا رنگ ٻہُوں واضح ڈِسدے۔ اَدبی حوالے نال، اِدارہ علم و فَن پاکستان، بزمِ اَدب میلسی، معروف اَدبی تنظیماں ہِن۔[٤]

منظور اَسد ’’چَھمکاں‘‘ ، تحسین یزدانی، مجید خاور، محمد نواز جری، سعید نوشاہی، محمد ممتاز خان ڈاہر ’’تاریخِ میلسی‘‘، ’’ملتان کا کاروانِ سیاست‘‘، ’’سیاحتِ لفظی‘‘ اُنہاں دی تصانیف ہِن[٥]۔

سردار پور جھنڈیر (موضع) لکھو

جُغرافیہ لکھو

ضلع وہاڑی تے تحصیل میلسی دا مثالی موضع ہِے، اِتھاں جھنڈیر خاندان آباد ہِے۔ اِیہ میلسی کنُوں 10 میل دے فاصلے تے ڈھمکی ریسٹ ہائوس تُوں مغرب والے پاسے میلسی نہر دے کنݙے آباد ہِے۔

لوک ادب لکھو

اِیں قصبے دی وَݙی سُنڄاݨ، علم دوست شخصیت مسعود احمد جھنڈیر دی بݨائی ہوئی لائبریری ہِے جِیندے وِچ لکھاں دِی تعداد وِچ کتاباں ہِن۔ محققین کِیتے اِیہ لائبریری استفادے دی ٻہُوں وَݙی سہولت ہِے[٦]۔

حوالہ جات لکھو

  1. بہاء الدین زکریا یونیورسٹی ملتان کِیتے لِکّھیا ڳیا تحقیقی منصوبہ بحوالہ سرائیکی وسیب دی تاریخ تے ثقافت از: ڈاکٹر خالد اقبال ۔ اسٹیشن ڈائریکٹر ریڈیو پاکستان بہاولپور۔ فروری-٢٠١٩ء
  2. بہاء الدین زکریا یونیورسٹی ملتان کِیتے لِکّھیا ڳیا تحقیقی منصوبہ بحوالہ سرائیکی وسیب دی تاریخ تے ثقافت از: ڈاکٹر خالد اقبال ۔ اسٹیشن ڈائریکٹر ریڈیو پاکستان بہاولپور۔ فروری-٢٠١٩ء
  3. بہاء الدین زکریا یونیورسٹی ملتان کِیتے لِکّھیا ڳیا تحقیقی منصوبہ بحوالہ سرائیکی وسیب دی تاریخ تے ثقافت از: ڈاکٹر خالد اقبال ۔ اسٹیشن ڈائریکٹر ریڈیو پاکستان بہاولپور۔ فروری-٢٠١٩ء
  4. بہاء الدین زکریا یونیورسٹی ملتان کِیتے لِکّھیا ڳیا تحقیقی منصوبہ بحوالہ سرائیکی وسیب دی تاریخ تے ثقافت از: ڈاکٹر خالد اقبال ۔ اسٹیشن ڈائریکٹر ریڈیو پاکستان بہاولپور۔ فروری-٢٠١٩ء
  5. بہاء الدین زکریا یونیورسٹی ملتان کِیتے لِکّھیا ڳیا تحقیقی منصوبہ بحوالہ سرائیکی وسیب دی تاریخ تے ثقافت از: ڈاکٹر خالد اقبال ۔ اسٹیشن ڈائریکٹر ریڈیو پاکستان بہاولپور۔ فروری-٢٠١٩ء
  6. بہاء الدین زکریا یونیورسٹی ملتان کِیتے لِکّھیا ڳیا تحقیقی منصوبہ بحوالہ سرائیکی وسیب دی تاریخ تے ثقافت از: ڈاکٹر خالد اقبال ۔ اسٹیشن ڈائریکٹر ریڈیو پاکستان بہاولپور۔ فروری-٢٠١٩ء

۔۔۔۔۔۔۔