وکیل نادر ہوراں نال کجھ ویلا

اج وکیل نادر تیں میں کٹھے مہرے الے منور حسیئن خاں بزدار دے پتر علی ناصر خاں بزدار دی شادی تیں ونجنڑاں ھا سویلے عمر خاں بزدار دا وستی اچو ٹیلی فون ائے پچھینیں شادیں تیں کیویں پئے جلدوں میں ڈسیئے اسلم خاں چھوٹے بھرادا رات روجھان کنیں سائیکل موٹر توں ڈٹھے چنگیاں سٹاں لگین او ہنڑ گھر اگئے او مہرےالے منور خاں دی پتر دی شادی تیں کیناں ویسی ہنڑ اتھاں وکیل نادر صاحب تیں میں کٹھے ویسوں ول عمر خاں اکھیئے میڈے واسطے کیا حکم اے میں اکھیئے ہنڑ عمر خاں ایں کرو کہ تساں کوٹلہ مغلاں مرزا عبدالمالک خاں دی شادی تیں ونجو تساں میڈی طرفوں وی مرزا صاحب دی شادی بھگتاوو توھاڈی مہرے الے دی شادی میں بھگتینداں ول سو ایویں کیتوسے میڈی نیندر کوٹلے او چاگیا اوندی نیندرمہرے الے میں چا ایم اے تھی گیا ایویں ۔اوندے بعد یارہ وجے سرائیکستان ھاوس وکیل نادر صاحب وی اگئے اساں مہرے الے شادی تیں روانہ تھی پیوسے اگو فاضل پور خلیل بھٹی ساڈی انتظار اچ کھڑا ھااونکوں چاکیں اساں ڈڈھ وجے مہرے الے شادی تیں پج گیوسے سنگت واٹ ساری ملی شادی ڈاڈھی چنگی ھئیں گیدرنگ وی ٹھیک ھئی کھانا وی بہوں ٹھیک ھئی میڈے دل منگدے سنگتی مسیع اللہ خاں گورچانی سمیع مجاز ماسٹر شفیع بوھڑ طاہر مگی بے وی کافی پرانڑیں سنگتی ملیئے بہوں خوشی تھئ پنڈال اچ سردار جندوڈا خاں بزدار میکوں گول کیں املیا اور وڈی محبت نال ملیاوڈی محبت نال چاہ دی صلاح کیتونیں جیکوں نہاں کرنڑ مناسب نہ سمجھیا دیرے تیں لنگھ گیوسے اتھاں شھزاد خاں نال ملاقات تھی بعداچ فرید خاں جتوئی ایڈوکیٹ سردار حضور بخش خاں گلفاد مٹھا پیر نزاکت خاں بزدار وی اگئے کافی دیر گپ شپ لگی چائے بعد سردار صاحب توں اجازت گھن کیں فاضل پور خلیل بھٹی کوں چھوڑیا تاج خاں گوپانگ کوں ملنڑ سانگے ٹرپیوسے تھوڑی جہیں جدو جہد دے بعد تاج خاں سڑک تیں مل پیا ملیوسے ڈاڈھا خوش تھیا اوں ڈسیا جو اڈے تیں ذوالفقار کہیری دی دوکان تیں سردار روف خان لنڈ انتظار بیٹھا کریندے اوڈاہیں پئے جلدوں خوش تھی تاج خاں کوں کارتیں چاکین خوش تھی ٹر پیوسے ذوالفقار کہیری دی دوکان تیں پجیوسے تیں پتہ لگا روف خاں انتظار کرکر تھک تیں لگا گئے ذوالفقار کہیری کوں میں پہلی واری ملیاں او بے انتہا خوش تھئے اتلا خوش تھئے جو میں ڈس نئیں سگدا چائے برفی دا ڈھگ لاڈتے بہوں خوش تھئےاتھائیں سنڑکیں عبدالمالک خاں سہرانی وی اگئے تاج خاں لکھیڑاں سونڑھاں پرفیسر پترسبطین خاں وی اگئے اور او اپڑیں پیو دا بہترین ترجمان وی ھ پیودیاں گالہیں فرفر سمجھدے اور سمجھا ڈیندے اج تاج خاں ڈھیر ٹائم کمپنی تھئی اےاوندے گالہیں دا ترجمہ سبطین خاں کریندا رہ گئے تاج خاں ڈسیئے میڈی عمر تیہتر سال تھی گئی اےمیں ڈھیر بیماریں دے نال گروی اں ول وی میں تھکدا کینمی رکداکئینمی قبر میکوں سڈیندی اےمگر میں کنیں فضول گالہیں سنڑنڑ دا ٹائم کئینی عزرائل فرشتہ میڈی وجہ توں ڈو واری معتل تھئے میں حالی وی جیندا وداں۔بقول تاج خاں میں ساری زندگی تخلیقی کم نئیں کر سگیا صرف اکھریں دا سونہاں بنڑداں ریہاں بیمار تھیونڑ دے بعدمیڈے ذہنی دریچے در دروازے تاکیاں روشن دان ہر شئے کھلگئی باداے صبا روزانہ میکوں سلام کریندی اے سورج دی روشنی روزانہ میڈے کمرے اچ انونڑ پئے گئی ایندے بعد میں لکھنڑ شروع کر ڈتا الغائب کنوں مضمون خیالات نظماں غزلاں پہاڑیں اچو ابشاریں الی کار نکلنڑ پئے گئین جیندے بعد میں ہک کتاب لکھ ماری اے۔قصہ کراں ست پٹھا۔ہنڑ میڈی تریجھی کتاب وی مکمل تھی گئی اے جیندا ناں اے۔ملوک سطراں۔اے ھن گالہیں جیرھیاں اج تفصیل نال تاج خاں نال تھیاں جیندے وچ ریٹائرڈ چیف انجینئر واپڈا جناب وکیل احمد نادر صاحب صوفی تاج محمد خاں گوپانگ ایڈوکیٹ دانشور لکھاری شاعر ترائے کتابیں دا مصنف ۔نال انہیندا دانشور ترجمان پتر پروفیسر سبطین خاں گوپانگ عبدالمالک خاں سہرانی تیں اساں یکیں دا میزبان ذوالفقار کہیری میں اکبر خاں ملکانڑیں سرائیکی وڈا ٹائم محفل لگی اج تاج خاں کھلیا وی سہی کھلوایا وی سہی وڈی چس چتوسے سئیں دی صحت کیتے دعائیں وی منگیونسے خیر نال اجازت گھدوسے اندے واری ڈاکڑ خلیل خاں چنگوانی کوں ملنڑ کیتے سئیں دے ہسپتال گیوسےساڈی بدقسمتی انہیں نال ملاقات نہ تھئی بہوں دیر تھی گئ ھئی اج رات کوں وکیل نادر صاحب لاھور ونجنڑاں ھا ول پچہیں دیرہ غازیخاں روانہ تھی پیوسے حال اچ کوئی کوتاہی تھئی ھووے تاں معاف فرمیسو سرائیکستان دی پارت ھووائے ھوندے اچ بئیمانی نہ کریسو۔۔۔۔اکبر خاں ملکانڑیں سرائیکی (٢٧ جنوری ١٩)