وسیب دے کرکٹرز نال ناانصافی

سرائیکی وسیب پہلے ڈینھ تو ترقیاتی حوالے نال نظر انداز کیتا ڳئے۔ اگر اساں کرکٹ دے حوالے نال ڈیکھوں تاں خیبرپختونخواہ، پنجاب اتے سندھ دے کھلاڑئیں کوں یکہ موقع ملدا پئے مگر بلوچستان اتے اساڈے وسیب کوں ایہو جیھے مواقع نی مل سڳئے۔ ایں ویلے پاکستان سپر لیگ دنیا وچ ہک برانڈ بݨ چکے جئیں وچ ملتان سلطان کوں شامل کر تے ساڈے وسیب کو نمائندگی ڈیتی گئی جئیں دا سہرا سئیں علی خان ترین کوں ویندے۔ پی ایس ایل وچ نمائندگی ملݨ توں بعد دنیا کو وی پتہ لگے کہ وسیب دے کرکٹرز وی باصلاحیت ھن تے انہاں وچ وی انٹرنیشنل لیول دی کرکٹ کھیڈݨ دی بھرپور صلاحیت ھ۔ پاکستان کرکٹ بورڈ کوں چہیدے کے اساڈے نوجواناں کوں وی پورا پورا موقع ڈتا ونجے۔ وسیب وچ کرکٹ اکیڈمیاں بݨایاں ونجن اتے دھرتی دے بالیں کوں کرکٹ سکالرشپ اتے سپانسر ڈیتے ونجن۔