نورالدین محمد جہانگیر

اکبر اعظم دے ترئے لڑکے ہن۔ سلیم، مراد تے دانیال۔ مراد تے دانیال باپ دی زندگی ہی وچ شراب نوشی دی وجہ توں مر چکے ہن۔ اکبر اعظم دی 1605ء وچ وفات دے بعد شہزادہ سلیم نور الدین جہانگیر دے لقب نال تخت نشین تھیا۔ ایں نے کئی مفید اصلاحات نافذ کیتیاں:

  • کن تے نک تے ہتھ وغیرہ کٹݨ دی سزاواں منسوخ کیتیاں۔
  • شراب تے دیگر نشہ آور اشیا دا استعمال حکماً بند کیتا۔
  • کئی ناجائز محصولات ہٹا ݙتے۔
  • خاص خاص ݙینہاں وچ جانوراں دا ذبیحہ بند کر ݙتا۔
جہانگیر

فریادیاں دی داد رسی کیتے اپݨے محل دی دیوار نال ہک زنجیر لٹکا ݙتی، جینکوں زنجیر عدل آکھا ویندا ہئی۔

مہابت خان دی قید توں رہائی پاوݨ دے بعد جہانگیر زیادہ عرصہ زندہ نہ رہا ۔ گرمیاں دے موسم وچ ایں نے کشمیر وچ قیام کیتا۔ کجھ عرصہ اتھاں مقیم رہوݨ دے بعد 1627ء وچ کشمیر توں واپس آندے وقت رستے ہی وچ بھمبر دے مقام تے انتقال کیتا۔ ایندی میت کوں لاہور گھنایا ڳیا جتھاں دریائے راوی دے کنارے باغ دلکشا لاہور موجودہ شاہدرہ وچ دفن تھیا۔ ایہ مقام ہݨ مقبرہ جہانگیر دے ناں نال مشہور ہے۔

حوالےلکھو