نان٘گ

نانگ بارے کجھ تے ہک مت

اللہ کریم ایں جہاں وچ کتنیاں مخلوقاں پیدا کیتن کتنیاں قسماں دے حیوان،پکھی کیڑے مکوڑے کیا کیا پیدا کیتن ایں گالھ بارے ڈسݨ کیتے دفتر لگسن. سبھ توں افضل تے اعلیٰ مخلوق انسان ہن. جینکوں خود خالقِ کائنات سوہݨا اللہ سئیں اشرف المخلوقات آکھے. جڈاں ݙاݙے آدم کوں زمین تے پٹھیا تاں ونکو ون دیاں مخلوقاں ٻیاں پیدا کیتیاں. کجھ آدم دی اولاد دا پیٹ بھرن کیتے کجھ سواری کیتے کجھ سامان چاوݨ کرݨ کیتے کجھ خطرناک جانور بݨائے کجھ کیڑے.

اینویں ناڳ ہک خطرناک اتے مہلک تخلیق ہے. نانڳ دیاں کئی سو قسماں ہن جنہاں وچوں نوے فیصد کوں زہر نئیں ہوندا ڈاہ فیصد کوں زہر ہوندے.

نوے فیصد کوں ایہے ڈاہ فیصد بچائی کھڑن.

اگر انہاں وچ وی زہر نہ ہوندا تاں ٻال پکڑ پکڑ گل وچ پا پا مار ڈیندے آپݨا سبھ توں وڈا کھیڈاوݨا بݨا گھندے نانڳ شدا بݨ ویندا ہر بندہ ویہہ ویہہ قسم دے نانڳ پالی کھڑا ہووے ہا اے وی قیاس کیتا ونج سگیندے جو انہاں دے اندے وی تل تل تے کھاوے ہا. اے وی تشنگی ہے جو ککِڑ دی کمی پوری تھیوے ہا. خیر اے سارا قیاس ہا ساکوں گالھ کرݨی ہے نانڳ بارے

نانگ ہک رینگݨ والا جانور ہے۔ جیڑھا جانوراں دی زمرہ بندی (Animal classification) حشرات الارض(reptile) نال تعلق رکھیندے۔

زبان تیکھے تیکھے اندر باہر کڈھ تے اور شکار دی بوں پاسہ تے جأ دا پتہ لیندے سینکڑیاں قسماں دے نانگاں وچوں بس کجھ ہی زہریلے ھن

نانگ دی معلوم اَقسام دی تعداد تقریباً 2,800 ہے لیکن اِنہاں وچوں تقریباً 280 نانگ زہریلے ہوندن۔ ہر سال کہیں زہریلے ناگ دا شکار بݨݨ والےتقریباً 2.5 ملین انساناں وچوں لگ بھگ ہک لکھ دی موت تھی چکی ہے۔

اِچھا دھاری نانگ ہک ہندوستانی اساطیری لوک کہانیاں دی شکل بدلݨ آلی مخلوق ہے نر کوبرا کوں ”نانگ“ اتے مادی کوبرا کوں ”نانگݨ“ آکھیا ویندے.

خیر اے تاں ہن حال حوالے ساکوں گالھ کرݨی ہے ساوݨ تے نانگ دی. ساوݨ کوں نانگ دی مستی دا مہنہ آکھیا ویندے جو نانگ ناگݨ ایں مہنے وچ سال دیاں سکاں لہندے پورا مہنہ مستی کریندن ہوش توں بے ہوش ہوندن.

اینجھی حالت وچ باقی جیویں کیویں لیکن کالا مشقی نانگ ویر رکھݨ آلا نانگ ہے تے اے خاص کر سرائیکی تل وطن اچ پاتا ویندے.

مستی دی حالت وچ جیکر کوئی بندہ نانگ یا نانگݨ کہیں ہک کوں مارے تاں ݙوجھا اوں بندے نال ویر رکھ ویندے اتے ست سالاں وچ ست واری ضرور کھمدے. اگر انہاں ݙوہاں کوں مار ݙیوے تاں ول جیڑھانانگ انہاں دیاں اکھیں اچ ݙیکھے تاں او اوں بندے دا ویری پہہ ویندے.

سنگت اجکل ساوݨ چلدا پئے نانگ مستی وچ ہن تساں شاختے تھی ٹرو..

ڈاکٹر وولف اہدے نانگ ݙوڑا ہوندے. نانگ دے کن کینی ہوندے اے زبان جیڑھی تیکھے تیکھے اندر باہر کڈھیندے اتہاوں محسوس کریندے..

تساں جڈاں ٹرو جلدی جلدی پیر چاتے رکھیئے کرو دھمک آلی آواز اتے ارتعاشتوں نانگ پاسا کر ویندے..

چھیکر وچ ہک مت لینداں سنگیتوں یاد کرائے وݙکیاں تے ٻالاں کوں مت ݙیوائے..

جیکر کہیں کوں نانگ کھا ونجے تاں جیڑھی جأ او چک پاوے اوں توں ݙوں انچ اتے چھک تے پٹی ٻدھو اک دا کھیر اوں جأ تے سٹو اتے دونی(ناف) اچ وی سٹو تے اک تے پتے یا پھل کھاوݨ شروع کر ݙیوو اتنی دیر کھاوݨ بس نہ کرو جݙاں او تہاکوں کوڑے نہ لگن انشأ اللہ ناگ دا زہر اثر نہ کریسے.

شعبان جھلݨ شعبان