میݙا وسیب
میڈا مالک،،،،، میڈا دامان وسدا رھے میڈا کریم اللہ،،، میڈی روھی وسدی رھے رب کریم ،،میڈے تھل تے رحمت دی چھل ھووے سوھنڑاں ربا،، میڈے بیٹ دیاں خیراں کر اے ڈو جہان دے مالک،، میڈے اُروار ءچ خوشیاں سلامت رکھ اے رزاق ذات ،،جیرھے پردیسی وطن وسیب کوں چھوڑ کے پردیس ءچ ہن انھیں دی جان مال عزت آبرو دی حفاظت فرما انھیں کوں وطن ءچ روزی عطاء فرما دلیں دے راز جانڑنڑ والی ذات،، ،میڈی دھرتی میڈے ملک میڈے وسیب دے ہر واسی کوں ہر ڈُکھ پریشانی کنیں دور رکھ ، مٹھے محمد دا اللہ ،اساں بدکار اساں گنہگار ،اساں شرمسار پَر تئیں ساکوں ہر امت کنیں نکھیڑ کے آپڑیں محبوب دا امتی بنڑائے یقینً اساں تیکوں پیارے ہاسے تیکوں اوں پیار دا واسطہ ساڈے ِدلیں ءچ ہک ڈُوجھے دی محبت عطا کر ساڈے سینے بغض حسد منافقت توں پاک فرما، ستر ماواں جیڈی محبت کرنڑ آلی رحیم ذات،، ،اساں لاوارث تھی گئے ہئیں ساڈیں لاشیں تیں روونڑ آلا کوئ نئیں بچیا اساں مسلمانیں دے دشمن یعنی تیڈے دشمن ساڈیں عزتیں نال کھیڈدے پئین ساڈیاں عزتاں لیلام تھی گئین جیرھی دھی دا سر ننگا کڈھائیں نہ تھیاء اج اوندا جسم ننگا کر ڈتا گئے ،،ساڈیں نکے نکے بچیں دے نکے نکے ٹکڑے کرکے بارود نال اڈائے گئین، اے ست آسمانیں دا مالک ،،،ساڈے سر تیں چھت نئیں رہی اے ست زمینیں دا مالک آ،،،،ساڈے پیریں ہیٹھو زمین کھسیج گئ، اے جبار اللہ ،توں ڈیھداں بیٹھیں اج وی زینب کوں زبح کیتا ویندے ،اج علی اصغر تسے مردے پئین اج وی لاشیں تے گھوڑے بھجدے پئین اج وی عباس دیاں بانھواں کٹیندیاں پئین اج وی سر سولی تے بیگناہ جُھوٹے کھاندے کھڑئن اج وی بچیاں زندہ دفنایا ویندن ،اج وی ہابیل قابیل کوں قتل کریندا پئے اج وی حکمران یزید دا کردار ہن ، میڈی شاہ رگ توں نیڑے اللہ ،،،جیویں تیڈے ہک بندے آکھیا ہا توں جانڑ تیڈا گھر جانڑے میں بے وس ہاں اساں وی اج آھدے ہیں توں جانڑ اے دشمن جانڑن اساں بے وس ہئیں ساڈے گناہیں دو ڈیکھیں تاں بچدے نسے آپڑیں رحمت دو ڈیکھیں تاں پھسدے نسے سُنڑ فریاد پنڑے دی کھول دروازہ رحمت دا ،،تیڈے در تیں میل کچیلی جھولی اڈی کھڑے ،،،جمیل حیدری،،،