میر بادشاہ قیصراݨی

فخر کوہ سلیمان و دامان، چیف آف تمن قیصرانی سردار میر بادشاہ خان قیصراݨی، ستمبر 1972ء وچ پیدا تھئے. اے سردار ظہور خان قیصراݨی دے بیٹے تے سردار منظور احمد خان قیصراݨی دے پوترے ہن. بنیادی تعلیم سرائیکی وسیب دے شہر کوٹ قیصراݨی، ضلع ڈیرہ غازی خان توں حاصل کرݨ دے بعد جامشورو یونیورسٹی توں گریجویٹ دی ڈگری حاصل کتیی.

سیاسی تے قبائلی زندگی

فخر کوہ سلیمان و دامان، چیف آف تمن قیصراݨی سردار میر بادشاہ خان قیصراݨی دا شمار حق پرست سرداراں وچ تھیندا ہے. 27 جولائی 2002ء کوں انہاں دے والد سردار ظہور خان قیصراݨی انتقال کر گئے جس دے بعد 12 اگست 2002ء کوں انہاں دی بحیثیت چیف دستار بندی کیتی گئی. سال 2002ء دے جنرل الیکشن توں باقاعدہ سیاست دا آغاز کیتا تے بھاری اکثریت نال ایم پی اے منتخب تھئے. 26 اگست ݙو ہزار چھی کوں نواب بگٹی شہید دی شہادت دے بعد اے ضلع ڈیرہ غازیخان دے واحد سردار ہن جنہاں نے قلات دے گرینڈ جرگے وچ شرکت کیتی لے لیکن آمر پرویز مشرف کوں ایہ پسند نہ آیا تے جھوٹے من گھڑت قتل تے جعلی ڈگری کیس وچ انہاں کوں الجھا ݙتا گیا. اعلی عدلیہ پاکستان نے انہاں کوں انہاں جھوٹے من گھڑت کیساں توں باعزت بری کر کے تحصیل تونسہ دی غیور عوام دے حق وچ حق و سچ دا فیصلہ ݙے ݙتا. سال 2008ء دے جنرل الیکشن وچ ہک مرتبہ ول دشمن ،چیف آف تمن قیصرانی سردار میر بادشاہ خان قیصراݨی کوں اپݨی سازش دے ذریعے ایم این اے بݨݨ توں روکݨ وش کامیاب تھی گئے لیکن سازشاں دے باوجود اے ایم پی اے بݨ گئے. سردار میر بادشاہ خان قیصراݨی نے تونسہ ضلع دا نعرہ لا کے تونسہ دی مظلوم سرائیکی عوام دی ترجمانی کیتی. ول مخالف قوتاں انہاں کوں جعلی ڈگری کیس وچ الجھاوݨ وچ کامیاب تھی ڳئے. بار بار انہاں دا راستہ روکݨ والیاں کوں منہ دی کھاوݨ پئی تے انہاں دی زوجہ محترمہ شمعونہ بادشاہ اسمبلی ضمنی انتخاب وچ بھاری اکثریت نال کامیاب تھی ڳئے. ول انہاں کوں وی نااہل کروا ݙتا گیا لیکن انہاں نے ببر شیر دی طرح مقابلہ کیتا. سردار ممتاز بھٹو قیصراݨی کوں بھاری اکثریت نال الیکشن جتوا کے ہمیشہ کیتے ایہ ثابت کر ݙتا کہ تحصل تونسہ دا بادشاہ صرف میر بادشاہ قیصراݨی ہے.