مہربانی کرݨ

مہربانی کرݨ ہک نوجوان دی اماں ٻہوں سخت بیمار ہئ تے ہسپتال اچ داخل ہئ. ڈاکٹر اکھ ݙیتے نے زندگی تے موت اللّٰہ دے ہتھ ہئے. اساں مجبور ہئے مزید علاج نی تھی سڳدا. او نوجوان سمجھ ڳے جو اماں دی زندگی ہݨ نی بچدی. او نوجوان رات گھر گزارݨ دے بعد سویلے اپݨی اماں کوں ݙیکھݨ ویندا پیا ہئ. رستے اچ پٹرول پمپ تے روکیا تے اپݨی واری دا انتظار کریندا کھڑا ہا اوندی نظر ہک ٻلی تے اوندے ٻچیاں تے ڳی جہڑے ٻہوں بوکھے نظر اندے پے ہن. او نوجوان نے اپݨی کار کوں ہک کنارے نال کھڑی کر کے نال ہک ریڑھی توں نیکیا نکلیا مچھیاں ڳھن تے ٻلی تے اوندے ٻچیاں دے اڳو سٹ ݙیتے سی. او نوجوان اپݨی کار اچ پٹرول پوا کے خوشی خوشی ہسپتال ڳیا. جہڑے او اپݨی اماں دے کمرے اچ ڳیا تے کیا ݙیکھدے بستر خالی اے اوندی اماں نظر کائینی اندی پئ. مایوس تھی تے ہک نرس کنوں اپݨی اماں دے بارے پوچھیا تے او نرس خوشی نال جواب ݙیتا تیݙی اماں دی طبعیت معجزاتی طور تے سنبھل ڳی اے. ڈاکٹر نے اکھیے ایکوں تازہ ہوا لوا ٻاہر تے او تیݙی اماں ٻاہر ٻیٹھی اے. ونڄ تے اپݨی اماں نال مل سڳدی. نوجوان دروکدا اپݨی اماں دو ڳیا تے سلام اکھیا تے حال ہوال پوچھیا. تے اوندی اماں نے اکھیا میں اڄ سویرے ہک خواب اچ ݙیکھدی پئ ہا ٻلی تے اوندے چھوٹے چھوٹے ٻچے اسمان دی طرف ہتھ اٹھا تے میݙے واسطے دعا کریندے پین. بس او خواب دے بعد میݙی اکھ کھولی تے ہݨ میں تیݙے سامݨے ٹھک ہا. نوجوان اپݨی اماں دا خواب سݨ تے ٻہوں خوش تھیا تے اپݨے اللّٰہ دا شکر ادا کیتا.

اللہ تعالیٰ دی رحمت ٻہوں وسع اے.

اسلام ساکوں اے سیکھندے جو اپݨے مریضاں دا علاج صدقہ کر کے وی کر گھیدا کرو. کیوں جو صدقہ اللّٰہ سئیں دے غصے کو ٹھنڈا کر ݙیندے. او نوجوان نے اللّٰہ دی لاچار مخلوق تے رھم کیتے سی تے اللّٰہ تعالیٰ نے اوندی اماں کوں ٹھیک ٹھاک کر ݙیتے سی. کروں مہربانی تم اہل زمیں پر خدا مہرباں ہوگا عرشِ بریں پر

کوئی غلطی ݙیکھو تے اصلاح ضرور کریسو. شکریہ. لکھت : محمد شان