مولوی

مولوی لکھت: منصورشانی

ہک جٹ پتر کوں نال گھن تے کپڑےآلی ہٹی تے آیا اوندے پتر کپڑا پسند کیتا تے ہٹی آلےکوں آکھیا 20 میٹر ٹک ڈیوو.ہٹی آلا پریشان تھی گیا تےجٹ کولو پچھس کاکا خیر ہے ساہن دا سوٹ سیواونڑائ کیا؟ جٹ ولدا ڈتا نہ سئیں میڈے پتر قرآن دا ختم کیتے ت وڈےمولوی صاحب کوں سوٹ پواونڑے سے.

جی ہا ناراض نہ تھیواہے مولوی صاحب پاکستان دا او طبقہ ہے جیہڑا بندے دے پتر کوں بندے دا پتر بنڑیندے پر اے بندے دے پتر او بندے دےپتر ہن جو اینہ کوں بندے دا پتر نئ سمجھدے. ہر حال اچ ذمے وار مولوی,حتیٰ کہ گھر جو نہ وسے بجائے نونہہ پتر کوں ڈنگی سدھی آکھنڑ دے آہدن مولوی نکاح کچا پڑھایا ہوسی. ماہ رمضان اچ ڈیکھ گھنو وسایا حالی اکھیں ملیندا ودا ہوندے تےمولوی سپیکر تے اعلان کر ڈیندے روزےدا ٹائم ختم تھی گۓ کھاونڑ پیونڑ بند کر ڈیوو, یقین کرو اگو روزےدار ونک و ونک دےجواب ڈیندن, کوئ آہدےآپنڑاں ٹائم ختم تھیوی, کوئ آہدے آپنڑاں کھاونڑ پیونڑ بند تھیوی اساں آذان تک چرسوں بیٹھے,کوئ آہدے او مولی تھک پیا ہوسی کھاونڑ کولو باقی رجدا تاں نئ.جتنے منہ اتنیاں گالہیں, ایویں ہی روزے کھولنڑ ویہلے دید امب, سموسے, پکوڑے, شکنجی ت کھیرنڑی تےہوندی ہے ت کن سپیکر دو تے زبان ت ورد ہوندے لگدے اج مولوی بھل گۓ,ماسی جندن وی آہدی بیٹھی ہوندی ہے مرو ڈیکھو ہاں مولی سم تاں نئ گیا, ہک دل جلا لئ بیٹھا ہوندے اے مولوی ڈھیر ہن پہلے آپ روزہ کھولیندن ول آذان ڈیندن. چندر ڈیکھ تے عید تھیندی ہے ہنڑ چندر جو لک ونجے مولوی شودے چکرن پچھیں عوام آہدی ہے مولی کل عید نئ کروائ شید حالی ملوانی شاپنگ کرنی ہوسی, کوئ آہدے اجاں اے کائنا تھکا ہئ, تےجیکر 29 روزے تھی پوون تاں وی قصوروار مولوی, گھر اچ جیکوں ڈوجھی واری ٹکر نئ ملدا او وی آہدا ودا ہوندے ڈٹھی مولوی روزہ پی گئ شالا روضہ پٹیجس. بحرحال ہنڑ تاں فولادی کیلنڈر بنڑ گۓ اےٹینشن ختم.

آلیاں بھنوالیاں