منڈی
مَنڈی
اے ساݙے وسوں دی ٻہوں مشہور کھیݙ ھ. ایندے وچ کھݙکاراں دی ڳݨتری دی کئی حد کائنی ہوندی. ایں کھیݙ وچ جتلی کھݙکار ہوندن اتلی ݙنے ہوندن. ہک ڳوڑھی یعنی ڈیں، بال گیند ہوندی ھ. اے ڳوڑھی کجھ کولی ہوندی اے جیویں والی بال دی ڳوڑھی ہوندی اے. ایں کھیݙ دا منڈھ ٻدھیجݨ توں پہلے ہک وݙا سارا دائرہ ماریا ویندے. ول پکھے پاتے ویندن. جتی کھݙکار ہوندن اتنی پکھے پمدن. جیہڑا چھیکڑی ہووے واری اوندے اتے ہوندی اے. اڄ تہاکوں اتھاں پکھے پانوݨ دا ڈھنگ وی ݙسا ݙیواں جو ہک کھݙکار ہک پاسے ونج بھوئیں تے نمبر ایں طرحاں لکھدے جو مکس. تھی ونجن. مثال دے طور تے چھی کھݙکار ھن پہلی لکیر کوں ترائے نمبر، ݙوجھی کوں پنج، تریجھی کوں چھی، چوتھی کوں ہک پنجویں. کوں ݙو نمبر تے چھیویں لکیر کوں چار نمبر ݙے تے او نمبر لُکا ݙیندے صرف لکیراں سامݨے ہوندین،. ول باقی پنج کھݙکار آ تے اپڑہں اپڑیں لکیر چݨ گھندن انہاں وچوں جیہڑا چھیویں نمبر تے ہوندے او واری ݙیندے مطلب تریجھی لکیر آلا واری ݙیندے. پکھے پانوݨ توں باد واری ݙیونوݨ آلا لیکے دے ہک پاسوں باہر کھڑ تے ڳوڑھی اُتے اسمان دو بھُکیندے او ڳوڑھی اوں دائرے وچ آ ڈھاوے. ول انہاں کھݙکاراں وچوں ہک کھݙکار اوں ڳوڑھی کوں زور دا ٹُلا ݙنا مریندے تاں جو ڳوڑھی پرے ونجے ول واری ݙیوݨ آلا بھڄ تے اوں ڳوڑھی کوں پلو یعنی جھولی وچ جھپݨ دی دی کوشد کریندے، ریڑھدی ڳوڑھی کوں وی جیکر پلو وچ پا گھنے تاں ٹلا مارݨ آلے تے واری آویندی ھ.. اتے واری ݙیوݨ آلا ٹُلا مارݨ آلے دا ݙناں چا تے کھیݙدے. ایں کھیݙ وچ کھݙکار لکیر یعنی دائرے توں ٻاہر ونج تے ڳوڑھی کوں ٹلا مریسی تاں ہک لت تے منڈا تھی تے ویسی. اتے اے کھیݙ ایویں چلدی ھ پئی. ایندے وچ کئی شک نی جو اے کھیݙ صحت بخش کھیݙ ہئی،. ایں کھیݙ وچ ݙاڈھی بھڄ دھرُک ہوندی ہئی.