منصور شانی،پورھیت رمضان آرائیں

[28/11, 7:58 pm] M RAMZAN A: مجاہد حسین ساجن , رب نواز دے گھر بکھرواہ چوٹی زیرین ڈیرہ غازیخان اچ جمئن,سئیں عبدالرشید اشتر دے شاگرد ہن, بہوں سوہنڑیں شعر لکھدن,

نمونہ کلام

ڈوہڑا

سچ ڈس ہاں سینگی ول گئے کیا دلدار میکوں اج نظریا نئی میں پار ڈو پچھنڑاں بہوں کیتے اروار میکوں اج نظریا نئی ہس وعدہ جلسوں میلے تے اتوار میکوں اج نظریا نئی پھر ساجن چنڈ چنڈ تھک پئی آں میڈا یار میکوں اج نظریا نئی [28/11, 7:58 pm] M RAMZAN A: محمد عباس یوسف سرائیکی شاعر گامݨ بھٹی دے گھر 1986 کوں ملتان اچ جمئن. 2003 توں شعر آہدن استاد شاعری محمد اجمل خاموش ہنیں.

تصنیف

سک داسیک

اساں لوک ہئیں ککھ

=اعزاز

روز نامہ خبریں, بزم گل ملتان

تے دل دریا پاکستان گجرانوالہ دی طرفوں ادبی ایوارڈ گھن چکن.

نمونہ کلام=

میݙا سوہݨا وطن

میݙا سوہݨا وطن میݙا پیارا وطن شالا جیویں سدا چن تے تارا وطن

سوہݨے جنگل تیݙے سوہݨے ٻیلے تیݙے سوہݨیاں شاماں تے سوہݨے سویلے تیݙے

کیا خوب ہن نظارے اے پیارے تیݙے بے سہاریں کوں مل گئے سہارے تیݙے

سوہݨے رستے تے راہ گیر راہی تیݙے شالا جاں باز جیون سپاہی تیݙے

میݙی ہر سوچ ہر گل ہے تیݙے کیتے میݙی زندگی دا پل پل ہے تیݙے کیتے

تیݙے دم نال ہے زندگانی میݙی تیݙے کم آ ونڄے اے جوانی میݙی

تیݙی عظمت کوں اِتلا اساری ونڄا اپݨی جند جان تئیں توں میں واری ونڄا

تیݙے کیتے دعا صبح شامی کراں تیݙے پرچم دی نت میں سلامی کراں

اے وطن پاک پیارا سلامت راہویں توں سلامت راہویں تا قیامت راہویں

اللہ سوہݨے دی رحمت دا سایا ہووی اے وطن بخت ایں توں سوایا ہووی

تیݙی دھرتی دے نینگر پئے جیون شالا شالا جیون تے کھنڈ کھیر پیون شالا

کھیت کھلیان سوہݨے تے ساوے تیݙے بݨ دیوانہ یوسف گیت ڳاوے تیݙے

کافی=

اساں عاشق تیݙے ناں دے تیݙے ناں دے گاوݨ ڳاندے

تیݙے عشق دا زائقہ چکھݨے پا گھنگرو پیریں نچݨے پر مونجھ تیݙی توں بچݨے تیݙی مونجھ مریلا ݙاندے

بھانویں جیݙے اوکھے تھیسوں بھر پریم پیالے پیسوں اساں جے تائیں جانی جیسوں

رہوں گاوݨ   تیݙے ڳاندے

ایہا مِنت میں تے لا چا اڄ دل دی آس پُڄا چا اکھیاں دی مے پلوا چا

گھر  پہنچا ڈھاندے ڈھاندے

نہ ݙیوو درد مزید اے کرو کرم دی سئیاں دید اے تھیوے عید توں پہلے عید اے ٹھر ویسن گوشے ہاں دے

ہَن وقت او کینجھے بَھلے ہاسے راہندے جݙاں رَلے ڳل ہار تے انڳلیں چَھلے

تیکوں یوسفؔ  ٻہوں ہَن  ٹھاندے

ݙوہڑہ

تیݙی شان شتّیر دے لائق نسے اساں لوک ہیں ککھ ساکوں نال نہ رکھ

اساں کھوٹے کھوٹی زات ساݙی تواݙی زات ہے لکھ ساکوں نال نہ رکھ

اساں ہاڑ دے تتے جھولڑے ہیں وانگوں بکھدے بکھ ساکوں نال نہ رکھ

ساݙے زائقے یوسفؔ زہر وانگوں نہ جاݨ تے چکھ ساکوں نال نہ رکھ [28/11, 7:59 pm] M RAMZAN A: دراز کلاچی

تحصیل تونسہ شریف دے گاؤں جیلانی آباد اچ جمن آلا شاعر عمردراز ادبی حلقیں وچ درازکلاچی دے ناں نال سنجاتا ویندے.

نمونہ کلام

؏تار دریّا دی روانی نہ پچھوں آواز ڈے میں تیڈے پرلے کنارے دے الاتئیں پہچنے

؏اتنا زیادہ موکھا شالا گِھنڑ والیاں ڈیون روہ دیاں جٹیاں جیڈیاں سوہنڑیاں تڈیاں وونڑدیاں بیٹھن

؏اِڈو سانونڑ دی کِنڑ مِنڑ اڈو ہن چاندڑیاں راتیں اوندے ہنڑ رابطے جیکر ختم تھی گۓ رل ویساں

؏انا اپنڑی تیں قائم ہاں اٹل ہے فیصلہ میڈا زمانے دے رواجیں دی بغاوت روز کرنی ہے

؏ہکو تیکوں نئیں ملیا اتبار دراز کلاچی 

اکھیں کولوں نہ روون دا میں وی وعدہ گدھیے

؏سندھ دریا دی منڑ تیں جڈاں اساں رات گزاری انت کنارے آ لگے ہن کھریاں چا نچنڑ [28/11, 7:59 pm] M RAMZAN A: علامتی مائیکروفکشن

“چنتا“

بھا تو ڈریۓ ہوۓ شخص دے پیر ناں چاہندیں ہوئیں بھا دو پٹیندے ودے ہن. اچانک ایندی دید غار اچ لڑکدے ہھوۓ جالے تے ونج پئ اے جالے اڈی اڈی تے لوکیں دے چہرے تے ونج پوندی ہئ لوک چہرہ صاف کرنڑ دے چکریں اچ ہتھ وی خراب کر بہندے ہن. یار اے بھا بجھاونڑ اچ میڈی مدد کرو. بھا تو ڈریا ہویا شخص ہک جالے اچ پھدکدے ہوۓ جوان کوں امداد لو آہدے. تیکوں بھا دی پۓ گئ ہے ہونڑیں لا میں ایں اوترے جالے کنے تاں جان چھڑوا گھناں. جالےاچ پھتکدے جوان ولدا ڈتا. بھا تو ڈریۓ ہوۓ جوان دے پیر اوکوں اگو تےکیتی گئ. اچانک اوں غار دی چنڈ اچ ہک چلدا ہویا پکھا ڈٹھا پر اے پکھا ہر کہیں کوں ہوا نہی ڈیندا کجھ لوگ ایندی ہک حیل جھلنڑ واسطے گریبان تاں کیا اپنڑے جسم دا ماس کپی کھڑے ہن انہیں دیاں پسلیاں صاف نظردیاں کھڑیاں ہن پر ہوا دی حیل انہیں دے مقدر اچ ناں ہئ. یار بھا دی کجھ چنتا کرو. بھا تو ڈریا شخص ول الانڑاں تھیا. ونج ونج تیکوں بھا دی پۓ گئ ہے ساڈی حالت ڈٹھی. ہوا پھرلیندے جوان ولدا ڈتا. بھا تو ڈریۓ ہوۓ جوان دے پیر اوکوں اگو تے کیتی گۓ. اچانک اوندی دید ہک تریمت تے ونج پئ جیندے سر تے والیں دی جاہ تے کالے کالے وٹھوئیں بھجدے ودے ہن. ایندے چہرے تے ماس دی ذری کۓ ناں ہئ تے ایندے بت دی بد بو تو شاید گجھیں وی مر ونجن, ایندے سینے تے کوئ حسن کۓناں ہئ بلکہ ڈو چٹے زہر دے بھریۓ نانگ بیٹھے ہن , اتنے زہریلے جو اگر ایندا بال ڈیکھ گھنے تاں بکھ توں مر ونجے پر چوسنی کوں منہ ناں لاوے.اے وڈے وڈے نہویں نال اپنڑیں اگو لاتھی لاش دا ماس پٹ پٹ تے کھاندی بیٹھی ہئ تے آہدی بیٹھی ہئ آہاہا میڈے بھرا دا گوشت کتنا مزیدار ہے. کجھ بھا دی چنتا کر چا. بھا تو ڈریۓ ہوۓجوان ایکوں آکھیا. جلو جلو کیا اتنا حسین بنڑا تے میڈا خدا میکوں بھا اچ سٹ ڈیسی؟ ناں ناں. اوں تریمت اپنڑیں اگو لاتھی لاش دی ہک بوٹی منہ اچ پیندیں آکھیا.

بھا تو ڈریۓ ہوۓ جوان دے پیر ایکوں مزید اگو کیتی گۓ. ٹردیں ٹردیں انت اے بھا دے نیڑے پہنچ ویندے پر جیہڑی بھا تو اے ڈردا رہ گۓ اے بھا ایکوں ذری وی تتی نئ لگی. آخر اے بھا جھاگ تے غار دے بۓ پار ول کھڑدے. اے دنیاں تاں اوں غار تو بہوں وکھری ہے. اتھاں ناں چہرے وگاڑنڑ آلے جالے ہن ناں بےماس دے چہرے. ت جیہڑی سب توں چنگی گال ہے اتھاں کہیں دا چنتا کۓ نی. بھا دا چنتا وی کۓنی.

لکھت : منصور شانی

سرائیکی مائیکروفکشن دی پہلی کتاب

“اکھیں ڈٹھے قصے“

وچو [28/11, 8:00 pm] M RAMZAN A: ہدایت اللہ بابر وستی وھوا تونسہ شریف دے خوبصورت سرائیکی شاعر ہن.بانگ ادبی فورم دے ایگزیکٹو ممبر تے بانگ ادبی مجله سرائیکی حصه دے مدیر هن. پہلا غزلیہ مجموعہ چھپدا پۓ نے, حسان بیٹری سٹور تونسہ شریف اچ اوساکا بیٹری دی ڈیلر شپ دے زریعے سلسلہ روزگار چلایا ھویا ھنیں.

نمونه کلام: تیڈیں پلکیں دا سرمایہ نسے بنڑ پائے تاں بئی گالھ اے تیڈیں پیریں دی پائل بنڑ کے چھکڑاں ھا لہا چھوڑی

اے میڈے سیت دے ول ھن جو مٹ گئی داستاں میڈی حنا وانگوں تیڈے ھتہیں تیں بکھڑاں ہا لہا چھوڑی ,.......... تیڈے عشق اچ اجاں دربدر تھیونڑے سک دی سدرٰی تے ونج معتبر تھیونڑے

نامکمل ھ میڈی دعا دا سفر اجاں دامن ہنجوں نال تر تھیونڑے

ذرا کوڑیج تیڈے مناونڑ کیتے صرف پیریں تائیں ہتھ دا سفر تھیونڑے ............ میں ناں تھکیا ٹردیں ٹردیں راہ دی دھوڑ نساہ تھی گئی اے ........ تیڈے پیرے تیں بخت ٹردا ھ ساڈیں ٹالہیں کوں بیر کیتی جل ........ مٹی دی بکھ کے تائیں راہسی چونڑویں دانڑیں مٹی تھی گئے [28/11, 8:05 pm] M RAMZAN A: عمومی مائیکروفکشن

عابد

تیز مینہ اچ پتے کون دروازہ کھڑکائ پۓ؟ نکے بالیں دی پالے نال کمبدی آواز وی آندی پئ ہے شید کہیں مسافر کوں راہ اچ مینہہ ولہیٹ گۓ اندرو آنونڑ چاہندن. پر میں کیویں دروازے تئیں ونجاں میڈیاں نفلیں کھنیندین. نیت کریناں ڈو رکعت نفل اللہ اکبر.

اکھیں ڈٹھے قصے

لکھت منصور شانی [28/11, 8:06 pm] M RAMZAN A: عمومی مائیکروفکشن

"محافظ"

لکھت: منصور شانی

اندھاری گھپ رات تے کلہیں سفر کریندیں ہوئیں دور تو آندی کتیں دی بھونک اوکوں کجھ تکڑا کر ڈیندی ہئ جو آبادی نیڑے ہے. نال نال او دل اچ دعاء کریندا ودا ہا یا اللہ پولیس نہ آ ونجے، میڈے نکے نکے بال 5 سال بعد ولدے پیوء دا راہ تکی بیٹھن. میکوں جیندیں جاگدیں گھر پچا.

اکھیں ڈٹھے قصے

وچو