منصور آفاق

منصور آفاق (پیدائش : 17 جنوری 1962ء، سرائیکی وسیب، ضلع میانوالی) معروف شاعر تے ادیب ہن تے مجلس ترقی ادب لہور دے صدر ہن۔ منصور آفاق دا کالم "دیوار پر دستک" جنگ لندن وچ شایع تھیندے۔ منصورآفاق نے پی ٹی وی تے ݙوجھے چینلز کیتے کئی ٹی وی سیریلز تحریر تے ڈائرکٹ کیتن جنہاں وچ زمین، دنیا تے پتھر قابلِ ذکر ہن۔ منصور آفاق جدید شاعری وچ اپݨے منفرد لہجے دے باعث خصوصی مقام رکھدن۔ اُنہاں نے لکھݨ دا آغاز سولہاں سال دی عمر توں کیتا۔ بہت کم عمری وچ کامیابی نے اُنہاں دے قدم چمے۔ اوہ پاکستان ٹیلی ویژن دے سب توں کم عمر ڈراما سیریل رائٹر ہن۔ "آفاق نما" انہاں دی شاعری دا پہلا مجموعہ اٹھارہاں سال دی عمر وچ شائع تھیا تے انہاں دے لکھے ہوئے خاکیاں دا مجموعہ چہرہ نما ویہہ سال دی عمر وچ شائع تھیا۔ غزل، نعت، ڈراما، تنقید، تحقیق، کالم نگاری، ناول نگاری، سرائیکی گرائمر تے جدید نظم وچ انہاں نے ہمیشہ زندہ رہݨ والا کم کیتا۔

منصور آفاق ہک معتبر فلمی نقاد وی ہن۔ اوہ ہک طویل عرصہ تک روزنامہ نوائے وقت وچ فلماں تے ٹی وی پروگراماں تے تبصرے کریندن۔ برطانیہ وچ سوسائٹی آف کلچر اینڈ ہیریٹیج دے تحت کم کرݨ والی ایسٹ فلم اکیڈمی وچ اداکاری تے سکرپٹ رائیٹنگ تے لیکچر وی ݙیندے رہیے ہن۔ انہاں نے اردو وچ ڈائریکشن دے موضوع تے ہک کتاب "تتلی کا شاٹ" دے ناں نال وی تحریر کیتی ہے۔

یادگار ڈراما سریلز

• 1991ء وچ ڈراما سیریل زمین لکھا جیہڑا پنجاہ منٹ دورانیہ دا تیرہ افساط تے مشتمل ڈراما ہئی
• 1993ء وچ ڈراما سیریل پتھر لکھا تے ڈائریکٹ کیےا۔ ایہ پنجاہ منٹ دورانیہ دا اٹھارہ اقساط تے مشتمل ڈراما سیریل ہئی۔
• 1994ء وچ ڈراما سیریل دنیا لکھا۔ منصور آفاق دے ایں ڈراما سیریل کوں بہت شہرت ملی
• 1996ء وچ ڈراما سیریل شام لکھا تے ڈائریکٹ کیتا۔
• ایندے علاوہ 86 انڈیپنڈنٹ پلے لکھے تے ڈائریکٹ کیتے جنہاں وچ پنجاہ منٹ دوانیہ دے ٻئے لانگ پلے وی شامل ہن۔
• منصور آفاق دے ڈراما سیریل پی ٹی وی، ایس ٹی این تے زی ٹی وی تے آن ایئر تھئے۔
• 2008ء وچ منصور آفاق نے ڈمنشیا دے موضوع تے Journey of Money دے ناں توں نیشنل ہیلتھ سروسز کیتے ہک ڈراما لکھا تے ڈائریکٹ کیتا، اینکوں رائل کالج آف سائیکاٹرسٹس نے وی اپݨی ویب سائیٹ تے آویزاں کیتا ہویا ہے۔

قابل قدر کتاباں

• 1984ء وچ نعتیہ مجموعہ آفاق نما شائع تھیا۔ شائع کردہ نمکسار پبلیشرز۔ میانوالی
• 1985ء وچ خاکیاں دی کتاب چہرہ نماwayback|url=https://web.archive.org/web/20151003184620/http://www.bibliography.com.pk/bookdetail_urdu.php?id=4099 |date=20151003184620 شائع تھئی۔۔ شائع کردہ مکتبہ پرچول۔ میانوالی
• 1993ء وچ تنقیدی کتاب وچ "وہ اور عطاالحق قاسمی" اشاعت پزیر تھئی۔ شائع کردہ:مقبول اکادمی۔ مال روڈ لاہور
• 1996ء وچ منصور احمد دے نال مل کے احمد ندیم قاسمی دے متعلق "منظوم خراج عقیدت پر گل پاشی" دے ناں نال ہک کتاب مرتب کیتی۔ شائع کردہ اساطیر پبلیشرز لاہور
• 1998ء وچ سرائیکی گرائمر دے ناں نال سرائیکی زبان دی گرائمر تے سرائیکی زبان اچ ہک کتاب شائع تھئی۔۔ شائع کردہ نمکسار پبلیشرز۔ میانوالی
• 2002ء وچ برطانیہ توں اردو تے انگریزی زبان دا ادبی میگزین انکوٹ کڈھݨ شروع کیتا۔۔ شائع کردہ سوساٹٹی آف کلچر اینڈ ہیریٹیج۔ برطانیہ
• 2005ء وچ انہاں دا شعری مجموعہ نیند کی نوٹ بک شائع تھیا۔ شائع کردہ اساطیر پبلیشرز۔ لاہور
• 2007ء وچ محبت دے موضوع تے انہاں دے نظماں تے غزلاں دا مجموعہ میں عشق میں ہوں شائع تھیا۔ شائع کردہ نستعلیق پبلیشرز۔ اردو بازار لاہور
• 2008ء وچ انہاں دی کتاب عارف نامہ شائع تھئی۔ شائع کردہ نستعلیق پبلیشرز۔ اردو بازار لاہور
• 2009ء وچ انہاں دے نظماں دا مجموعہ عہد نامہ شائع تھیا۔ شائع کردہ سوساٹٹی آف کلچر اینڈ ہیریٹج۔ برطانیہ

دیوان منصور آفاق

منصور آفاق دی تقریباً چار سو غزلیات ویکی کتب وچ دیوان منصور آفاق] ۔، دے ناں نال موجود ہن۔ جنہاں وچ "الف ردیف" توں گھن کے "ے ردیف" تک شامل ہن۔ اردو شاعری دے اساتذہ دے بعد ایہ پہلا دیوان ہے جیندے وچ ردیفاں دے مطابق غزلیات شامل کیتے ڳن۔ منصور آفاق نے اوہ ردیفاں وی استعمال کیتن جیہڑے کہیں استاد نی کیتے مثال دے طور تے "ڑ ردیف" " ڈ ردیف" "ز ردیف" ایں دیوان دے جملہ حقوق وی منصور آفاق نے اوپن رکھے ہوئے ہن۔ دیوان منصور آفاق انٹرنیٹ تے"اردو دے برقی کتاباں" کی لاٗئبریری میں بھی "دیلیز جاں" دے عنوان نال موجود ہے۔