ملک وارث نائچ

اصل ناں    ملک وارث نائچ

تخلص       وارثؔ

جٖمنْ        1956ء

جاہ پتہ      پراراں شریف۔امین آباد تحصیل لیاقت پورضلع رحیم یار خاں

ملک وارثؔ نائچ دا تعلق تحصیل لیاقت پور نال ہے۔اجٖکل آپ سرائیکی دے نویں حروفِ تہجی ایجاد کریندے پَین،اللہ سئیں انہاں کوں ایں کم اچ کامیاب کرے۔صاف ستھری تے کومل لفظیں دی شاعر کریندن۔

غزل

چھڑا میڈٖے دل دا دوا نی پیا تھیندا

بٖیا ناں تاں دنیا تے کیا نی پیا تھیندا

کھڑے انتظار اچ محبت دا مجرم

حکم کئی سزا دا عطا نی پیا تھیندا

کراں یاد پل پل زیارت دے کیتے

میڈٖے کیتے او ڈٖینہ ولا نی پیا تھیندا

اوئیں تاں منینداں ہے لجٖپال جانی

فقط نال میڈٖے نبھا نی پیا تھیندا

کڈٖاں تونْیں وارثؔ امیدیں تے جیوے

سجٖنْ توں تاں وعدہ وفا نی پیا تھیندا