ملکہ سبا

ملک سباء دے ناں دی خطاطی

معلومات

• ڄَمَّݨ دی تَرِیخ: ١٠ وِیں صدی قبل مسیح
• جھوک لݙ ون٘ڄݨ دی تَرِیخ: ١٠ ویں صدی قبل مسیح
• رہائش: مملکت سبا
• حیاتی ٻیلی: شاہ سلیمان
• اولاد: نسل
• پیشہ: مذہبی اڳواݨ۔

ناں: بلقیس۔ اِیہ ناں توریت وِچُوں گِھدّا ڳیا ہِے۔ قُرآن مجید وِچ اِنّھاں دا تذکرہ بغیر ناں دے ہِے۔ حضرت سلیمان علیہ السلام دے دور وِچ ہَن۔ اِنّھاں دی قوم سِجھ دی پرستش کرین٘دی ہئی۔ سلیمان نے اِنّھاں کُوں اسلام دا سَݙٓا ݙِتّا۔ اِیں نے آپݨے سرداراں نال تجویز دے بعد طے کِیتا جو سلیمان دا امتحان گِھدّا وَن٘ڄے۔ ڄیکر اُوہ سچّے پیغمبر ہوسِن تاں اُنّھاں مذہب اخیتار کِیتا ون٘ڄے۔ تَہُوں جیڑھے ویلے اُوکُوں یقین تِھی ڳیا جو اُوہ اصل وِچ پیغبر ہِن تاں اُوں نے آپ اُنّھاں کُول وَن٘ڄ تے ایمان گِھن آوݨ دا فیصلہ کِیتا۔ ملکہ سبا دے سلیمان دے کول اَپڑݨ تُوں پہلاں سلیمان نے ملکہ سبا دا تخت منڳواوݨ دی آس دا اظہار کِیتا تا آصف بن برخیاہ جیڑھا سلیمان دا وزیر ہئی اُونیں آکھیا جو مَیں اَکھ جِھپکݨ تُوں پہلاں اُوکُوں گِھن تے آ سڳدا ہاں، جیکُوں اُنّھاں کول ݙیکھ تے اُون٘دا یقین ٻیا وِی تَکڑا تِھی ڳیا اَتے اُوہ آپݨی قوم دے نال ایمان گِھن آئی۔

نگار خانہ

• 
  ملکہ سبا دی روانگی
• 
  بلقیس اتے سلیمان