معراج محمد خان دا سیاسی خواب
ڄݙاں معراج محمد خان صاحب نوں تحریک انصاف اچ شامل تھی کے عمران خان کو بھٹو ٻناوݨ دا شوق چڑھیا اوں ویلے عمران خان ہر جلسے اچ افغان طالبان دی طرز حکومت دیاں شاندار مثالاں ݙیندیاں ناءی تھکدا۔آدھا ہوندا ہا ڄو ملا عمر ڄہیا حکمران انسانی تاریخ اچ کونی نی آیا،ݙیکھو نا لوکاں کوں اپݨے حکمران تے کتنا اعتماد ہے ،چرواہے پورا ایڑ کلہ چھوڑ کے لڳے ویدنے ہن پرمجال ہے ڄو کوءی ہک بھیݙ ای چوری کر گھنے۔
ہک واری روزنامہ خبریں لاہور اچ عمران خان کوں سݙایا ڳیا انہاں اتھے وی انڄ دیاں ڳلاں کیتیاں تاں معراڄ محمد خان دے نظریاتی ساتھیاں طالبان دی ایسی تیسی پھیر ݙتی لیکن عمران خان وت وی طالبان دیاں تعریفاں کرݨ توں کݙاءیں بھیڑا نہ پیا ۔ اے او زمانہ ہا ڄݙاں اساݙی ریاست طالبان دی پشت پناہی کریندی ہا تے عمران خان چاہندا ہا جو ریاستی ادارے اس دی کنݙ تے وی ہتھ رکھین۔ڄݙاں مشرف تے نواز شریف اچ اݨ بݨ بݨی اوں زمانے اچ عمران خان جی ڈے اے دا حصہ ہا تے جی ڈی اے دے کءی اجلاس انہاں دے گھر زمان پارک اچ وی تھے،نادیدہ قوتاں انہاں کوں مشرف دے قریب گھن ڳییاں،مشرف دا آکھݨ تاں اے ہے ڄو جماءمہ خان میکوں سفارش کیتی ہا جو عمران خان کو سیاست اچ اڳوں تے گھن کے آو۔مشرف جݙاں فیصلہ کیتا ڄو ریفرنڈم دے ذریعے صدر بݨ ونڄن تاں تحریک انصاف دی سنٹرل ایگریکٹو کمیٹی دے اجلاس اچ ریفرنڈم دی حمایت تے مخالفت بارے بحث تھءی ۔معراڄ محمد خان تے انہاں دے ساتھیاں دا خیال ہا ڄو اساکوں ریفرنڈم اچ مشرف دی مخالفت کرݨی چاھی دی ہے لیکن عمران خان تے انہاں دے ݙوڄھے سنگتی حمایت دے حق اچ ہن۔معراج محمد خان اس فیصلے توں بعد پارٹی چھوڑ ݙتی تاے انہاں دا عمران خان کوں بھٹو ٻݨاوݨ دا خواب پورا نہ تھی سڳیا۔