معاویہ بن یزید

یزید دے انتقال دے بعد امیر معاویہ دے خاندان دی حکومت دا خاتمہ تھی ڳیا تے یزید دے پتر معاویہ بن یزید نے اے آکھ کے حکومت قبول کرݨ توں انکار کر ݙتا کہ ایں تخت وچوں حضرت حسین دے خون دی بو آندی اے۔ معاویہ بن یزید، اموی خلیفہ یزید دے جانشین ہن۔ یزید نے اپݨی زندگی وچ انہاں کوں جانشین مقرر کر ݙتا۔ چنانچہ 683ء وچ پیؤ دی وفات دے بعد تخت نشین تھیا۔ 21 سال دا ایہ نوجوان عادات و خصائل وچ اپݨے پیؤ دی ضد ہئی۔ عبادت و ریاضت ایندا معمول ہئی۔

امام حسین دی شہادت دے بعد اینکوں کاروبار حکومت نال اس قدر نفرت تھی چکی ہئی کہ 3 مہینے دی حکومت دے بعد ازخود خلافت توں ایہ آکھ کے دست بردار تھی ڳیا۔ کہ ’’میݙے وچ حکومت دا بار چاوݨ دی طاقت نی۔ میں چاہنداں کہ ابوبکر دی طرح کہیں کوں اپݨا جانشین بݨا ݙیواں یا عمر دی طرح چھی آدمیاں کوں نامزد کر کے انہاں وچوں کہیں ہک دا انتخاب شوریٰ تے چھوڑ ݙیواں لیکن نہ عمر جیہا کوئی نظر آیا تے نہ اوہوجیہے چھی آدمی ملے ایں واسطے میں ایں منصب توں دست بردار تھینداں ۔ تساں لوگ جینکوں چاہو اپݨا خلیفہ بݨا گھنو۔‘‘حکومت چھوڑݨ دے چند مہینے بعد معاویہ دا انتقال تھی ڳیا۔ اگرچہ ایندی دست برداری نال ہک سیاسی خلا پیدا تھیا لیکن عبد اللہ بن زبیر تے مروان بن حکم دی کمشکش نے بالآخر تاج و تخت و تاج مروان دے ہتھاں وچ منتقل تھی ڳیا۔