مظفر خان مگسی

مظفر خان مگسی سماڄ و سیاسی دانشور اتے سرائیکی تحریک دے روح رواں ہن۔ آپ 10 اپریل 1948 کوں مظفرڳڑھ وچ ڄمے۔زراعت دے شعبے نال تعلق اے۔ مُڳسی قبیلے دے سربراہ ھن۔

سیاست

سرائیکی اقلابی پارٹی دے بانی تے سربراہ ھن۔ غلامی دے پندھ آپ دی سرائیکی تصنیف اے۔

شاعری

شاعری وی کریندن۔انہاں دی مشہور نظم ہوکا اے

ہوکا
شاعر: مظفر خان مگسیؔ ݙیوو ہوکا وستی شہراں وِچ
خود کار مشینی دور آ گئے
کم کار مشین کریسی ہُݨ
نہ لوڑ راہسی ساݙی محنت دی
اےصدی نویں دا فیصلہ ہے
بے علم ہنر کمزور سبھے
بݨڑ رزق سوالی رُل مرسݨ
ذرا دید مارو حالات اُتے
پنجاب دے حربیں بُغض حسد
وسیب دے رہبراں دی مستی
کر نوکری توں محروم ݙتے
محروم علاج دے حق توں ہَیں
نہ کالج علم جدید کیتے
نہ مِلاں رزق ہنر سانگے
ہر رستے تے ناکہ بندی
تہوں علم و ہنر ساݙے کول نہیں
جیڑے علم جدید تئیں پُڄ گئےہن
ودے سڑدِن سِل تغاری تے
ساڈے لیکھ بدھے فرعوناں نیں
تہوں سونا ، زر نہ وگ رہ گئے
جیڑے مرلے آئے ہن ورثے ِوچ
اُوی لوڑاں سانگے وک ویسن
ساݙے حاکماں ایجھے ظُلم وسائے
ساݙیاں رکھاں دی ونڈ ایں کیتی
ساݙے وطن دی دھرتی ٻےگھن گٻئے
ساݙے کول نئیں ڄا ہݨ قبراں دی

اساں کن ویسوں ساݙا بݨسی کیا؟
رل اَہر کروں اجاں ویلا ہے
ساݨی ووٹ دی طاقت سانگ وانگوں
تنظیم عوامی نَیں دی چَھل
ہے سانجھ سبھ دریا دی ݙھاہ
پائو بھاکل سانجھ سُدھار کیتے
کھولو ݙانوݨ بدھیݨ خوف والے
ہِن ریت دیاں لانہیں تُرٹ پوسن
اساں بچ پوسوں اساں وس پُوسوں