مسرت نذیر

مسرت نذیر خواجہ (اردو: مسرت نذیر) (ڄَمَّݨ دی تَرِیخ: ١٣ اکتوبر ١٩٤٠ء) کینیڈا وِچ رہوݨ آلی پاکستانی لوک ڳائیکہ اَتے فلمی اداکارہ ہِن، جِنّھاں نے ٻہوں سارے اردو اَتے پنجابی فلماں وِچ ادکاری کِیتی۔ مسرت نذیر ورھیاں تئیں زیادہ تر شادیاں وِچ ڳان٘دی رئی۔ اُوہ لوک گِیت وی ڳان٘دی ہئی۔

ابتدائی حیاتی

مسرت نذیر دے پِیؤ ماں کشمیری نژاد پنجابی ہَن، اِنّھاں دے پِیؤ خواجہ نذیر احمد، لاہور میونسپل کارپوریشن وِچ رجسٹرڈ ٹھیکیدار دے طور تے کَم کرین٘دے ہَن۔ مسرت نذیر دی حیاتی دے اَغاز وِچ، اِنّھاں دے اَمّاں اَبّا چاہن٘دے ہَن جو اُوہ ڈاکٹر بݨِن، اَتے اِنّھاں کُوں ودھائی تعلیم ݙیوائی۔ مسرت نے میٹرک دے امتحان (ݙاہویں پِیڑھی) وِچ امتیازی لمبراں نال پاس کِیتا اَتے انٹر میڈیٹ دا امتحان (ٻارہویں پِیڑھی) لاہور دے کنیئرڈ کالج تُوں پاس کِیتا۔

کَم کار آلی حیاتی

مسرت نذیر کُوں موسیقی نال گھاٹی دلچسپی ہئی اَتے اِنّھاں نے ١٩٥٠ء دے ݙہاکے دے اَغاز وِچ ریڈیو پاکستان کِیتے نغمے ڳاوݨ دا اَغاز کِیتا ہئی۔

ذاتی احوال

مسرت نذیر ١٣ اکتوبر ١٩٤٠ء وِچ ڄَمّی ہئی۔ اِنّھاں دی شادی ڈاکٹر ارشد مجید نال تھئی اَتے اُوہ ١٩٦٥ء تُوں کینیڈا وِچ رہن٘دی ہِے۔ ٢٠٠٥ء وِچ مسرت نذیر دے ترے ٻال ہَن۔ مسرت نذیر نے اپݨے فلمی کَم کار کُوں اپݨے پئے کِیتے چھوڑ ݙِتّا بھان٘ویں جو اُوں ویلے اُنّھاں دا کَم کار عروج تے ہئی۔ اَتے اُون٘دے نال کینیڈا ون٘ڄݨ تے راضی تِھی ڳئی۔

فلمی گرافی

مسرت نے پاکستانی سینما دے سبھ تُوں وݙّے فلماں جیویں "ماہی منڈا" (١٩٥٦ء) اَتے "یکّے والی" (١٩٥٧ء) کِیتے وی پیشکش کِیتی۔

ڈسکوگرافی

مسرت نذیر نے ١٩٨٣ء وِچ پاکستانی ٹیلی ویژن دے طارق عزیز شو وِچ کُجھ نغمے پیش کِیتے۔ اِیں شو دے ڳاݨیاں نے پاکستان وِچ ٻہوں دُھم پاتی۔

مسرت نذیر دے کُجھ دُھم پاوݨ آلے ڳاݨے اِیہ ہِن:

• گلشن کی بہاروں میں،
• میرا لانگ گواچا (1983 ء)،
• چلے تو کٹ ہی جائے گا سفر آہستہ آہستہ،
• اپنے ہاتھوں کی لکیروں میں
• جوگی

ایوارڈز اَتے نامزدگی

• 1958ء وِچ نگار ایوارڈز برائے بہترین اداکارہ، فلم زہر عشق کِیتے۔
• 1959ء وِچ نگار ایوارڈز برائے بہترین اداکارہ، فلم جھومر کِیتے۔
• 1962ء وِچ نگار ایوارڈز برائے بہترین اداکارہ، فلم شہید کِیتے۔
• 1989ء وِچ تمغائے حسنِ کارکردگی، صدرِ پاکستان دی طرفُوں۔

ٻِیا ݙیکھو

• پاکستانی اداکارائیں دی تن٘دِیر
• پاکستانی سنیما