مرکز قومی بچت آلیاں دا رویہ

مرکز قومی بچت اچ وڑو تاں منیجر صیب کوں ڈیکھ تے نکل چھرکی ویندی ھے ؛ ھاں مٹھ اچ آ ویندے ؛ پیھلا خیال ایھو امدے جو رقم چھکوا ناں کھڑوں ؛ خان لگدا دیرے تے بندے چوا تے انھاں کوں کٹواونڑ تے انھاں دے رقبے زورے مسائیں اپنڑے ناں کراونڑ آلا ھے پر اللہ سوھنڑیں دی قسم ایویں کینی اے تاں شکر ھے جو خان بلیندا ڈاڈھا مٹھا ھے جے کر بلیندا ناں تے بس ڈٹھی رکھدا تاں ھنڑ تونڑیں نکے دل آلیاں دا ھاں پھٹ گیا ھووے ھا چھڑا ڈیکھ تے ناں ڈرائے کجھ دیر خان نال رام ست وی کرائے تاں جو جھاکا لاھوے تھاڈا مرکز تے خاناں دا قبضہ ھے ھک کنوں ھک وڈے ناں آلا خان اتھاں ملسی تھاکوں سیکنڈ منیجر وی خان اے گالھیں گالھیں اچ اپنڑاں بنڑا گھندے ڈھولنڑ تے مٹھا ماکھی جوان اے ؛ اے بئی گال اے جو چاہ پھکی پیندے.

میڈا جماتی اے ؛ اج میکوں وی پھکی پھڑک چاہ پلوائی ھس ؛ وڈے منیجر دے سامنڑیں بیٹھا ھم ؛ کسکیا ای نمی ؛ پیونڑ دی کیتی ھم ھتھوں واہ واہ کیتی ھم رقم ڈیونڑ تے گھننڑ کیتے بسم اللہ دے ویلے دا نینگر بیٹھے ؛ ایڈے پیار ناں بلیندے جو اپنڑے سکے وی اج کل ایویں نی بلیندے ڈاڑھی رکھوائی نسی ؛ آھدے شیو ودھی ودی ھے ؛ لگدے منیجر صیب ڈاڑھی رکھوا تے چھڑیسی ؛ نینگر نال گال کرو تاں ھاں ٹھر ویندے تے زبان آپے دعا کرنڑ پئے ویندی اے نینگر دا ویھوار ایجھا ھے ڈاڑھی مچھاں صفا نینگر بلیندا گھٹ اے تے اپنڑے کم کوں وختی مکاونڑ تے لگا راھندے ؛ نینگر کھلدا وی ھے یا کیناں ؟ میں تاں کڈھائیں مچکدا وی نی ڈٹھا نینگر کوں ؛ اللہ جانڑے کیھاں ڈکھ ھس ؛ عشق دے چکراں آلا تاں نی لگدا ؛ کھھیں کوں اکھ بھر تے تاں ڈیھدا نی عشق کیا کریسی؟ گجھے رازاں دا رب کوں پتہ اساں تاں ایویں ٹک لا سگدوں میڈے شھر احمد پور شرقیہ دا مرکز قومی بچت انھاں چنگے تے ڈھولنڑ لوگاں دے پورھیئے باجھوں جیھرے ویلے ونجو بھریا پیا ھوندے اللہ پاک دی امان ھوونیں ایں مرکز قومی بچت اچ کم کرنڑ آلے لوگاں نے مرکز کوں اپنڑی محنت تے اخلاق نال آنونڑ آلے سبھے لوگاں کیتے نویکلی مثال بنڑایا ھوئے جتھ پیر ھوونیں اتھ خیر ھوونیں.

جیون جگ تے شالا

18 ستمبر 2018(سلیم خان نیازی)