مرزا عبداللہ علی گوہر
شاہ عالم ثانی (پیدائش: 25 جون 1728ء– وفات: 19 نومبر 1806ء) مغلیہ سلطنت دا سولہواں شہنشاہ ہئی جیں نے 1760ء توں 1806ء تک بحیثیتِ مغل شہنشاہ ہندوستان تے حکومت کیتی۔ شاہ عالم مغلیہ سلطنت دے عہدِ زوال دا آخری با اَثر مغل شہنشاہ ہئی جیندے دورِ حکومت وچ مغلیہ سلطنت وچ خود مختار ریاستاں تے سلطنتاں دا قیام عمل وچ آیا تے مغلیہ سلطنت دی حدود سمٹ کے دہلی تک محدود تھی چکی ہن۔ شاہ عالم دے آخری دور وچ ایہ مقولہ مشہور تھی چکا ہئی کہ: "حکومت شاہ عالم، از دہلی تا پالم" (پالم، دہلی دا ہک قریبی علاقہ ہے)۔ شاہ علم ثانی دا پورا ناں مرزا عبد اللہ علی گوہر بہادر ہئی۔ شاہ عالم نے 18 سال بینائی دے بغیر گزارے تے 19 نومبر 1806ء کوں 78 سال دی عمر وچ لال قلعہ، دہلی وچ انتقال کیتا۔ مہرؤلی وچ ایندی تدفین کیتی ڳئی۔
