شہزادہ معین الدین محمد فرخ سیر، شہزادہ عظیم الشان (حاکم بنگال) دے نال بنگال وچ مقیم ہئی۔ 1712ء وچ بادشاہ شاہ عالم اول دی وفات دی خبر سݨ کے عظیم الشان نے فرخ سیر کوں بنگال وچ اپݨا قائم مقام مقرر کیتا تے خود تخت دہلی دے حصول کیتے اپݨی فوج دے ہمراہ روانہ تھیا۔ شہزادیاں دی تخت نشینی دی خونریز جنگاں دے بعد شہزادہ معزالدین جہاں دار شاہ تخت طاؤس دا وارث بݨا۔

محمد فرخ سیر

دور حکومتلکھو

جہاں دار شاہ نے اپݨے ہک سال توں کم مختصر دور حکومت (1712 تا 1713) وچ لاتعداد مغل شہزادے موت دے گھاٹ اتار ݙتے۔ ایں اثناء وچ جہاں دار شاہ نے فرخ سیر دی گرفتاری کیتے بنگال دی طرف فوج روانہ کرݨے دا حکم صادر کر ݙتا۔ ایہ خبراں بنگال وی پہنچ ڳئیاں، جس توں فرخ سیر، ایندی والدہ اور دیگر بھیݨاں بھراواں وچ خوف دی لہردوڑ ڳئی، کیونکہ اوہ دیگر رشتہ داراں دا حشر ݙیکھ چکے ہن۔ فرخ سیر نے نہایت سوچ وچار دے بعد طاقتور امرا (سید برادران) توں مدد حاصل کرݨ دا فیصلہ کیتا۔ چنانچہ شہزادہ فرخ سیر نے 11 جولائی 1713ء کوں معزالدین جہاں دار شاہ کوں شکست ݙے کے مغلیہ سلطنت دی واڳ ݙور سنبھال گھدی۔ فرخ سیر کوں حکومت سید برادران دی وجہ توں ملی ہئی، ایں واسطے اوہ انہاں دے ماتحت ہیئ، تمام امور سلطنت انہاں دے مشوریاں نال سر انجام ݙتے ویندے ہن۔

حوالےلکھو