محمد سخی خان

اصل ناں      محمد سخی خان

تخلص         سخی

جمن           1969ء  

تعلیم         ایم اے ،ایم فِل

پیشہ         مدرس   

فون نمبر       03007781520

جاہ پتہ        موسیٰ خیل (میانوالی)

سخی صاحب دے بقول اوہ بہوں سارا ادبی ،تحقیقی کم کر چکے ہن جیڑھا جو حالی تائیں غیر مطبوعہ ہے ۔مثلاََ ہیر وارث شاہ دے نثری تراجم دا تجزیاتی مطالعہ، ترجمے دے مسائل تے ترجمے دے اصول تے میانوالی دی بولی دا جائزہ وغیرہ۔جتھوں تائیں انہاں دی شاعری دا تعلق ہے تاں اوہ بیک وقت اردو تے سرائیکی شاعری اچ طبع آزمائی کریندے پئین ۔آپ دی ہک چھوٹی بحر دی غزل دا نمونہ حاضر ہے۔

(1) غزل

اُنج میڈے بال نئیں وفا کیتی        جِنج تیڈے لال نئیں وفا کیتی

مینوں ماضی توں کوئی شکوہ نئیں         پر میڈے حال نئیں وفا کیتی

کتنی مدت توں ویکھدا آنداں         کیندے بس مال نئیں وفا کیتی

میں اجے ہم کھڑا میدان دیوچ        اج میڈی ڈھال نئیں وفا کیتی

وت سخیؔ دل میڈا دُکھایا ہئی         توں میڈے نال نئیں وفا کیتی

_________________________________

؎ایں جگ دے کوڑے دھرم دے اندر تاں موت واجب ہے عاشقاں دی

میں عشق منداں تاں موت واجب تے ہُن مکرداں تاں وت وی مرداں