محمد الطاف عاصم

اصل ناں       محمد الطاف

تخلص          عاصمؔ

جٖمنْ            1965ء

تعلیم            میٹرک

پیشہ             فوٹو سٹیت آپریٹر

فون نمبر        0314 6951123

جاہ پتہ         پِپلاں ضلع میانوالی

غزل

گٖئی روندیاں جندڑی گٖل سجٖنْاں

ہُنْ واپس ڈٖیس تے ول سجٖنْاں

جڈٖاں توں نکھڑیں تاں چن ماہی

نئیں گزرا سکھ دا پل سجٖنْاں

میڈٖا شہر اُجٖاڑ کے ٹُر پیا ہیں

ونجٖ آپ وسایو تھل سجٖنْاں

اے عشق دی ریت اولڑی ہے

منصور دی لہہ گٖئی کھل سجٖنْاں

میڈٖی موت دی خبر توں سُنْ گھنسیں

مر ویساں اجٖ یا کل سجٖنْاں

میڈٖی جندڑی سولاں وات ہے چن

توڑے ہُنْ تاں قاصد گھل سجٖنْاں

گٖئے چھوڑ الطافؔ کوں چن ماہی

تہوں بٖیٹھاں رستے مل سجٖنْاں

٭٭٭