محبوب تابش
محبوب تابش سرائیکی شاعر ، دانشور تے لکھاری ہے۔
ڄم پل
لکھوتونسے نال تعلق ہے
تعلیم
لکھوایم فل اردو تے ایم اے سرائیکی
پیشہ
لکھومسلم کالج ملتان وچ اردو دا پروفیسر ہے۔
کتاباں
لکھو- آنہد مرلی لاہور، فکشن ہاؤس ،
- سرائیکی قومی تناظر: ایک تاریخ ()لاہور،فکشن ھاؤس،2014ء،248 ص
- رسالہ
نمونہ کلام
لکھوتریمتیں کیتے ہک نظم
لکھومحبوب تابش
انسانیں دے ایں گھاٹے ٻٹ جنگل وچ
ٻروٹیں دے کچے کومل جہیں ٹنگڑیں تے
جیوراو جہیں کجھ آلہڑیں ٹٹریں تے چیڑیں دے
جیندے چلکار دی کئو توں
جیندے چہکار دی سر توں
سواء تھیندی حیاتی کوں سحر دے سوجھلے ملدن
جیرھیاں اپݨے عمل دی نیک بختی دیاں
کئی ݙاتاں براتاں مخت بخشن
جو اپݨے روح دی رت ݙے کے
وفا،الفت،حیا دی ہر ہتھیلی کوں حنا بخشن
اپݨے بے پرند ٻالیں کیتے
کݙاہیں اپݨے جے پر کھولن
تاں سر اپݨے اتے بازیں دے عقابیں دے
لہو لمبئے ہوئے زمب پاون
ٻیا وݨ وݨ دی وستک تے انہیں کیتے
کئی مشکی ناگ ٻیٹھے ہن
ایݙو رستے تے ہر پاسے
کھڑے ہن نہر کئی واتے
انسانیں دے ایں گھاٹے ٻٹ جنگل وچ
ازل توں کھمب کھتی کوئل
وݙے پرسوز لہجے وچ اکھیندی ھ
بچاؤ ٹٹݨیں تے چیڑیں کوں
نتاں ہک ݙینہہ
سبھے انسان مر ویسن
یکی انسانیت مرسی
. . . . . . . . . . .
(تریمتیں دے جگ ݙیہاڑ دے حوالے نال محبوب تابش سئیں دی شاعری وچوں ہک انڑچھپیل نظم)
وقت دے بند دروازے بھن کے
لکھومحبوب تابش صاحب ہوراں دی ہِک نظم ڈیکھسو یار کماااال
وقت دے بند دروازے بھن کے
سجھ دیں سنڄ ڳلیاں توں تھیندی
مونجھ ٻیراڳݨ کملی کنڈو راݨی
ان کے ساݙے ویہڑے لتھی
کنڈو راݨی مونجھ دےکڄ لو
سکھیں لدھی رات دے وچوں
قصیں دی ہک تاکی کھل پئی
اپݨے آپ کہاݨی ٹر پئی
پھنبلے پھنبلے پیر بھریندی
اکھ دی مݨ توں ٻیڑی ٹھیلی
نال ہک میر مہاݨی ٹر پئی
راہ وچ روڳ سمندر کئی ہن
دیہہ دے قبضے پریاں کئی ہن
پریاں کوں چھڑوانوݨ کیتے
رقص کریندی مست موالی
سک دی رادھا رانی ٹر پئی
جانی جوڳ جوانی ٹر پئی
تھی کے پاݨی پاݨی ٹر پئی
رستے سارے سیکل تھی ڳئی
سیکل اندر تانی ٹر پئی
دل وی بݨ جڳیاݨی ٹر پئی
زندگی جیوݨ راݨی ٹر پئی
وات پٹیے در جثے والے
ُ"کر کر لمبڑیاں ٻانہیں سݙیندن"
ول کے ایں در آندا کوئی نی
رلے ساݙے ٻاہندا کوئی نی
......محبوب تابش......