متن
جیں مطبوعہ یا غیر مطبوعہ تحریر کوں متنی نقاد مرتب کرݨ چاہندے اوں کوں متن آہدے ہن۔ متن کیتے ضروری ہے جو او تحریر ہووے۔ متن نظم وی تی سڳدا ہے۔ تے نثر وی، متن قدیم وی تھی سڳدے اتے اڄ دے مصنف دی تصنیف وی۔ "ہزاراں ورقیاں تے کھنڈی ہوئی ہووے یا وت ہک صفے دی مختصر جیہی تحریر ݙوہائیں متن تھی سڳدے ہن۔" ایں دے کیتے زمانے تے وخت دی قید کائنی۔ ایہ تحریر کاغذ اُتے مطبوعی یا غیر مطبوعہ ، مختلف دھاتاں دے ٹکڑے، مٹی یا لکڑ دیاں بݨیاں پھٹیاں، بُتاں یا پتھراں، چمڑیاں تے چٹاناں وغیرہ کہیں وی شئے اُتے تھی سڳدی ہے۔