مائیکروفکشن کیا ہے؟
مضمون مائیکروفکشن کیا ہے؟ − لوظ مائیکرو فکشن ڈو انگریزی لوظیں مائیکرو Micro تے فکشن Fiction تےمشتمل ہے. پہلے فکشن کوں ڈیہدےہیں. ہک لوظ ہےFact یعنی حقیقی واقعہ. واقعےدی لوظیں دے ذریعے خیالاتی تصویر کشی کوں Fiction آکھیا ویندے.
زمانہ قدیم اچ اےداستان دی شکل اچ ہئ, لوگ تھوڑے مصروف تھئن تاں کہانی آ گئ حقیقت اچ کہانی وی داستان دی مائیکرو ہئ کیونکہ ہک داستان اچ کئ کہانیاں ہوندیاں ہن, ول زمانےچال وٹائ تاں ناول, ناولٹ,افسانہ, افسانچہ ت اختصاریہ آ گیا اےساریاں فکشن دیاں شکلاں ہن. ہنڑ آندےہیں مائیکرو دو, Micro دا مطلب ہےچھوٹا جیویں اجکل مائیکرو سم آئ ودی ہے, وڈی سم کوں کٹ تےمائیکرو کر ڈیندن, بلکل ایویں وڈے واقعےکوں 350تو 500 الفاظ دےاندر اندر لکھنڑ کوں مائیکروفکشن آہدن.
اتھاں ڈو سوال ہن, اختصاریہ تے مائیکروفکشن اچ فرق؟ اختصاریہ بہلے کےموجود فکشن وچو غیر ضروری مواد کٹ کےعوام دےاگو رکھنڑ کوں آہدن, یعنی خدیجہ مستور دا آنگن چھوٹا کر ت قاری دےاگو رکھنڑ. جبکہ مائیکروفکشن نویں تخلیق کوں آہدن.
ڈوجھا سوال. ایکوں مائیکروفکشن ہی کیوں آکھیا ویندے؟سمال یا منی فکشن کیوں نئ آکھیا ویندا؟ تاں اےکوئ انگریز دا پتر ڈس سگدے,میڈا استاد آہدے انگریزیں ایہو ناں رکھۓتاں ایں ت گزارا کرو خدا بخش کوں بکا ناں کرو. البتہ چین ت جاپان آلیں ایکوں نویں ناں ڈتن.ت میں ایکوں لنڈی کہانی آہداں. ایندی ضرورت ات واسطے پیش آئ ہےجو اج کہیں کنےاتنا ٹائم کئنی جو طویل داستاناں پڑھے ات واسطے 5, 7 منٹ اچ ہک واقعےدی تصویر کشی لوظیں دی صورت اچ شروع وی تھیوے, پیک وی آوے,فلیش بیک وی ہووے, ول اختتام وی تھی ونجےیعنی فکشن دےسارے مزے 5 منٹ اچ. اگو ایندیاں اقسام ہن, عمومی فکشن, سائنس فکشن, علامتی فکشن, رومانوی فکشن وغیرہ. ایندی ہک نشانی ہےعام طور تے مائیکروفکشن دا اختتام قاری دےذہن تےچھوڑ ڈتا ویندے, او جو چاہے ایندا اختتام سمجھے. یعنی وزیر راجےکوں دہ کولو رانی چھڑوا تے آن ڈتی تے راجا رانی اپنڑیں شاہی اچ خوش وسنڑ پۓ گۓ, مائیکروفکشن دا اختتام ایں نئ ہوندا.
ہک انگلش ایوارڈ یافتہ فکشن دا سرائیکی ترجمہ ڈیکھو,
دنیا دا چھیکڑی انسان کوٹھے اچ بیٹھا ہئ ابڑغت کوٹھے دا دروازہ کھڑکۓ.
تحقیق منصور شانی