لوقا دی انجیل

لُوقا ہک طبیب ہئی جیہڑا کئی واری پولس دا ہمسفر رہ چکا ہئی۔ اُوں نے ایہ انجیل غالباً 60 تا 65 عیسوی دے دوران ہک معزز یونانی شخص تھیفلس(تھیُفِلس) کیتے تحریر کیتی۔

تفصیل

مقدّس لوقا دے مطابق لکھی ڳئی انجیل نویں عہدنامے دی تریجھی کتاب ہے۔ ایہ متوافقہ انجیلی بیانات وچوں وی ہک ہے تے مواد دے اعتبار نال سب توں وݙی انجیل ہے۔ لوقا نے ایں انجیل اچ یسوع مسیح کوں دنیا دے منجی تے کامل انسان دے طور تے پیش کیتا ہے۔ اوہ یسوع دے ہک کنواری توں پیدا تھیوݨ دے واقعے توں ایں انجیل دی ابتدا کریندے۔ ایندے بارے اچ جیہڑے تفصیلات اوں نے بہم پہنچائین اوہ ساکوں کتھاؤں ٻیا نی ملدیاں ۔ ول وہ گلیل اچ یسوع دی خدمت تے اوندے بعد آپ دی یروشلم دی مسافرت دا حال کافی تفصیل نال بیان کریندے۔ آخر اچ یسوع دی صلیبی وفات دے بعد آپ دے ول زندہ تھی ونڄٹ تے آپ دے شاگرد خوشی منیندے تے آسمان توں نازل تھیوݨ والی قوت یعنی پاک روح دا انتظار کریندے نظردن۔ جتھاں متی اپݨی انجیل اچ یسوع کوں بطور مسیح تے مرقس آپ کوں خدا دے خادم دے طور تے پیش کریندن اتھاں لوقا آپ کوں ہک ایسے انسان کامل تے خداوند دے طور تے پیش کریندے جیندا سلسلہ نسب آدم تک پہنچدے۔ (باب 3 آیت 28 تا 38) یسوع تاریخ عالم دے عظیم افراد اچ شمار تھیندن ۔ لوقا آپ کوں واقعات دا محور قرار ݙیندے ۔