قرطاج یا قرطاجنہ یا قرطاجہ (انگریزی: Carthage) موجودہ تیونس شہر دے قریب فونیقیاں دا ہک شہر ہئی جیہڑا 814 قبل مسیح وچ آباد کیتا ڳیا، اڄ صرف اوندے آثار باقی ہن۔ ایہ سلطنت قرطاج دے عہد وچ قائم کیتا ڳیا شہر ہئی، جیندا تیسری صدی ق م وچ یونانیاں نال ٹکراؤ تھیا ہئی تے عہد عتیق (انگریزی: Ancient Age) دے مشہور لڑائیاں پیونک جنگاں (انگریزی: Punic Wars) لڑے ڳئے جنہاں وچ یونانی تے فونیقی ترئے مرتبہ مدمقابل آئے۔ ݙوجھی پیونک جنگ (218 تا 201 ق م) وچ قرطاجنہ دے ہنی بال نے روم تے چڑھائی کیتی تاہم حتمی شکست نال ہسپانیہ تے دیگر علاقے قرطاجنہ دے ہتھوں نکل ڳئے۔ 146 ق م وچ رومیاں نے قرطاجنہ کوں تباہ کر ݙتا۔ قرطاجنہ دا عظیم شہر سفید سنگ مرمر تے مختلف رنگ دے سنگ رخام نال تعمیر کیتا ڳیا ہئی۔ مسلماناں نے اینہی شہر دے باقی آثار توں تونس شہر آباد کیتا۔ قرطاجنہ دے آثار قدیمہ عالمی ثقافتی ورثے وچ شامل ہن۔

Karthago Antoninus-Pius-Thermen
Ruines de Carthage

حوالے لکھو