قاسم جعفری
ڄم پل
لکھوسرگودھا نال تعلق ہے۔
کتاباں
لکھونمونہ کلام
لکھوقطعہ
لکھوخود غرض لگدا پسند چا کیتا
خود نوں اس دا پابند چا کیتا
لٹا کے زندگی دا کھٹیا قاسم
وفا دا پرچم بلند چا کیتا
ݙوہڑہ
لکھوسو سال دے بعد وی سونے دا-مل قاسم گھٹ نیئں سگدا
لجپال تاں پڑ وچ مردہ ائے-پچھاں قدم وی ہٹ نیئں سگدا
ہووےدور جےاکھیوں سجنڑ پیارا -بندہ رہے ہک جھٹ نیئں سگدا
بندہ جیڈا وی یار کجاک ہووے -سہے ہجر دی سٹ نیئں سگدا
ݙوہڑے
لکھوقاسم جعفری دے ݙوہڑے[٢]
تہاڈے کیتے ہؤئے وادھے یاد آ جاون۔ساہواں دا سلسلہ رک ویندا
کرلا کرلا کے انج رونداں۔اکھیاں چوں پانڑی مک ویندا
ہسڑاں تے باہلیاں گھابراں دا۔ڈھو جگر میرے تے ڈھک ویندا
وت قاسم انج میرا حال ہوندائے۔جویں دھپ تے کانا سک ویندا
۔۔۔قاسم جعفری۔1
----------------------------------------
جھٹ بہے کے کر لئیے دکھ سکھ دی۔ربوں ٹکر پیاایں اج راہ تے
ہک گل تاں دس کیوں سٹ گھتیاائی۔مینوں ہجر دی بلدی بھاہ تے
تیرا اجنڑ وی قبضہ ائے قسم خدا دی۔میرے ہک ہک قاسم ساہ تے
میرے ہتھاں دی پکی ہؤئی پیتی ونج۔ڈھل کوئی نئیں لگڑیں چاہ تے
۔۔۔قاسم جعفری۔2
----------------------------------------
اساں بلکل نیت دے صاف ہاسے۔بس پرکھ جناب تو ہؤئی نئیں
افسوس اساڈی جی جی دا۔ذرا جہیا وی قدر کیتؤئی نئیں
ساڈے پیار تے قاسم شک کر کے۔کسے پاسے دا چھوڑئی نئیں
تینوں غیراں انج بدراہ کیتا۔اکھیں ویکھ سلام لیؤئی نئیں
۔۔۔قاسم جعفری۔3
----------------------------------------
میرا دلبر جے توں آکھے تاں۔تینوں پھلاں وچ تول نہ چھوڑاں
کائنات دےسکھ تیرےقدمی رکھ کے۔تینوں کر انمول نہ چھوڑاں
میں دل دی ہک اج رازپوشیدہ ۔گل قاسم کھول نہ چھوڑاں
تینوں لا کے اپنڑے سینے نال۔آئی۔لؤ۔یو۔بول نہ چھوڑاں
۔۔۔قاسم جعفری۔4
----------------------------------------
اکھیاں نوں دلبر قسم خدا دی۔تیرا نت دیدار پسند اے
میرےدل نوں قاسم دنیا تے۔ہک تیرا پیار پسند اے
تیرا بت نخریلا مکھ شرمیلا۔بنا ہار سنگھار پسند اے
تیری صورت تے اسی نئیں مردے۔تیری سادگی یار پسند اے
۔۔۔قاسم جعفری۔5
----------------------------------------
چٹے کپڑے پا کے پھٹ دا ٹردایں۔نالے ٹردا سٹ خشبو ایں
بازار دے آ کے سنڑ وچ۔نت ویندا یار کھلو ایں
میں قاسم نال نہ کھنیا کر۔میں جانڑدا ہاں توں جو ایں
3 واری فیل ایں میڑک چوں۔کہڑا توں کوئی ایس۔ایچ۔او ایں
۔۔قاسم جعفری۔6
----------------------------------------
دل کردائے قاسم ہتھ لا چھوڑاں۔بجلی دیاں نگیاں تاراں تے
ساڈا غربت نال جو باہنڑ کھلونڑ اے۔تائیں ہر کوئی لاہندا بھاراں تے
ہک دن دی گل ائے ہاڑھ دی دھپ ائی۔رہیا ککھ اعتبار نہ یاراں تے
لتھا چین اساڈے سائیکل دا۔بیلی بھج کے چڑ گئے کاراں تے
۔۔۔قاسم جعفری-7
----------------------------------------
کوئل دی مٹھڑی کوک نوں سنڑ۔نغمات دا موسم آیا ائی
پئی رم جھم رم جھم ہوندی ائے۔برسات دا موسم آیا ائی
کریں کھول کے دل دیاں نال سجنڑ دے۔گل بات دا موسم آیا ائی
جس رات نوں قاسم نکھڑے ہاسے۔اس رات دا موسم آیا ائی
۔۔۔قاسم جعفری۔8
----------------------------------------
نہ ملیا کر نہ ملیا کر۔مینوں چن ماہی سرعام اے
باعزت تیری شخصیت تے۔لگ ویسن سئے الزام اے
میرے ناں نال اپنڑاں ناں لکھ کے۔ہو ویسیں توں بدنام اے
ہنجے بندےبندےنوں نہ دسیا کر۔میرا قاسم نال سلام اے
۔۔۔قاسم جعفری۔۔9
----------------------------------------
میرا ڈھول سکول دی وردی وچ۔ہئے لگدا ڈھیر نواب اے
بہوں سوہنڑی نازک ہتھ دیوچ۔ہئے لگدی یار کتاب اے
ہر سال سکول اچ فسٹ اوندا ائے۔ایڈا لائق ذہین جناب اے
بنڑے اعلی افسر ڈھول میرا۔ائے میرا قاسم خاب اے
۔۔۔قاسم جعفری۔۔10
----------------------------------------
تہاڈے شہر نوں وی کدی کنڈ ناہی کیتی۔تہاڈا انج پیا ادب کتؤسے
تعظیماً تہاڈیاں قدماں تے۔اساں سئے سئے دیونڑے بوسے
ساڈے سر دےوال سفید ہو گئے۔مکے کوئی ناں تہاڈے روسے
اساں قاسم چاگھ زمانے دی۔بنڑ تہاڈے مگر گیؤسے
۔۔۔کلام قاسم جعفری ۔۔11
----------------------------------------
میری قسمت لنگڑی لوہلی ائے۔انج سو فیصد میں ٹھیک آں
کسے تنگ حالات دے وسبے دا۔وڈی مدت تو میں وسنیک آں
میں قاسم اپنڑےدکھ سکھ وچ۔ہوندا آپ ہی صرف شریک آں
کسے کے کرنا مینوں نال رلا کے۔میں جو ٹردی پھردی لیک آں
۔۔۔قاسم جعفری۔ ۔12
----------------------------------------
مینوں پتا نئیں کے کر سٹیا ائی ۔چن ورگی شکل تکا کے
اسباب میری بے چینی دے۔پچھ قاسم کول بہا کے
گل دل دی پڑھ لے اکھیاں چوں۔ہک واری سجنڑ نجھا کے
تیرے سامنڑے ہو خاموش ویںندن۔کجھ لفظ زبان تے آ کے
۔۔۔قاسم جعفری۔۔13
----------------------------------------
اج دل آیا ائے تیرے ہونٹاں تے۔میں اپنڑے ہونٹ چاں رکھاں
تیرے لال یعقوتی ہونٹاں دا۔رس رج رج کے میں چکھاں
ہتھ رکھ کے تیری گردن تے۔ہونٹاں نوں چاواں رکھاں
انج قاسم ہو مدہوش جائیے۔نہ کھول سگیون اکھاں
۔۔۔قاسم جعفری۔۔14
----------------------------------------
ہووے غرض تاں ویکھیا ائے جھک جھک کے۔آ ملکھ سلام کریندا ائے
بندہ غرضو غرض کڈھیندیاں تائیں۔میاں پیراں وانگ پوجیندا ائے
مٹے غرض تاں ناں تائیں بھل ویندن۔لج کونڑ ہمیش پلیندا ائے
بنا مطلب دے او بھولیا قاسم ۔اتھے سانگے کونڑ رکھیندا ائے
۔۔۔قاسم جعفری۔۔۔15
----------------------------------------
اٹھے ویلے قاسم راہندا ہاں ۔میں تیرے سجنڑ دھیان اچ
تیری ذات تو وکھریاں قسم خدا دی ۔بھاندی کائی نئیں چیز جہان اچ
او میرا مٹھڑا بھولا سوہنڑاں سانول۔میری جند ائے توئیں انسان اچ
ہکا توواں تاں ڈھول پسند آیا ایں۔مینوں پورے پاکستان اچ
۔۔۔قاسم جعفری۔۔۔16
----------------------------------------
او رانجھے مجنون فرہاد پنل۔تے مائیوال جہان تو وگ گئے
نفعے گھاٹیاں دےسائیں بنڑن آلے۔بھائیوال جہان تو وگ گئے
سجنڑاں دے سر تو ٹالنڑ آلے۔دکھ ٹال جہان تو وگ گئے
ہنڑ قاسم پیار بازاری ہو گئے۔لجپال جہان تو وگ گئے
قاسم جعفری۔۔۔17
----------------------------------------
تنگ آ گیا ہاں بربادیاں توں۔خوشحال ہنڑ تھیونڑاں چاہناں
ہکلاپے عمر گھٹا چھوڑی۔تیرے نال منیوانڑاں چاہناں
تیرے ہتھ نوں رکھ کےسینےتے۔پھٹ اندر دے سیونڑاں چاہناں
تیری ذات دا ہو کے دنیا تے۔میں قاسم جیونڑاں چاہناں
۔۔۔قاسم جعفری۔۔۔18
----------------------------------------
پہلے دن تو ائی بھولے کملے دل نوں۔ہا رکھڑاں پیر سنبھل کے
ہنڑ رونداں تے پچتاندا ہاں۔پردیس سجنڑ نوں گھل کے
ہکا چپ جئی قاسم کیتی وتناں۔سینے سانگ ہجر دی جھل کے
راہ ویدھیاں نور کھڑائی گیا اکھ دا۔آیا وطن تے ڈھول نہ ول کے
۔۔۔قاسم جعفری۔۔۔19
----------------------------------------
تساں قیمتی سجنڑ نگینے اؤ ۔میں بے مقصد بے دام آں
تساں مالک کوٹھیاں بنگلیاں دے۔میں ککھ گلیاں دا عام آں
تساں سکھ دی سیج تےسونڑ دے عادی۔میں کردا کدنڑ آرام آں
تساں عزت مآب اؤ وسبے وچ ۔میں قاسم رج بدنام آں
۔۔۔قاسم جعفری۔۔۔20
----------------------------------------
کل سب استاد حیران ہو گئے۔انج قاسم قلم بھنوا چھوڑی
ملے سو چوں پورے سو نمبر۔انج پیار دی رسم نبھا چھوڑی
آیا پرچے وچ مضمون حسن تے۔میں تیری شکل بنڑا چھوڑی
گیا مصر دا بنڑ بازار اچانک۔جداں کمرے وچ لٹکا چھوڑی
۔۔۔کلام قاسم جعفری۔۔۔21
----------------------------------------
میرا سکھ تے چین قرار وی توں۔میرا ماہی وی توں میرا یار وی توں
میری دنیا توں میرا مقصد توں۔میری زندگی دا مختار وی توں
میرا دل وی توں میری دھڑکن توں۔میرا حاکم تے سردار وی توں
اس قاسم پوری دنیا وچ۔میرا پہلا آخری پیار وی توں۔۔
۔۔قاسم جعفری۔۔۔22
----------------------------------------
تینوں سمجھاں مقصد زندگی دا۔نالے اپنڑاں سجنڑ جہاں سمجھاں
تینوں سمجھاں آ ونج ساہواں دی۔نالے اپنڑاں دل تے جاں سمجھاں
میں پیار دا تن اظہار کیتا۔کجھ بولیں تے میں تاں سمجھاں
تیری قاسم اس خاموشی نوں۔دس ہاں سمجھاں یا ناں سمجھاں
۔۔۔قاسم جعفری۔۔۔23
----------------------------------------
آ گیا ائے موسم کنڑکاں دا ۔کر داتری ڈھول تیار اے
گتھ واہنڑاں ہنڑ چاں کھوتی تے۔نپ واگاں لے میرا یار اے
پٹھے وڈئیے پہلے ڈنگراں کانڑ۔پچھے آ کے کڈھیئے دھار اے
دن آ گئے قاسم بھاجڑ دے۔ذرا ترکڑا ہو زمیندار اے
۔۔۔قاسم جعفری۔۔۔24
----------------------------------------
میری سنگت غریب دی مندری دا۔توں ہوئیوں قیمتی تھیوہ
تیتھوں وکھریاں میں بندہ انج لگداں۔جویں کوئی اجڑی ہؤئی بیوہ
میں نوکراں وانگ جناب تہاڈی۔کراں ساری زندگی سیوہ
میتھوں قاسم نئیں پیا راہنڑ ہوندا۔کر ٹھہو ٹھہو ڈھول منیوہ
۔۔۔کلام قاسم جعفری۔۔۔25
----------------------------------------
اللّٰہ پاک کرائی ائے تاں ہو گئی اے۔اج سجنڑاں نال ملاقات اے
میرے لوڈے لاڈے چن ماہی دی۔ہائی مٹھڑی ہر گل بات اے
گلاں ساریاں اس دیاں زہن تے ہن۔کیویں ہوئی گل دی شروعات اے
گلاں گلاں دےوچ نہ علم ہویا۔اتوں قاسم ہو گئی رات اے
۔۔۔قاسم جعفری۔۔۔26
----------------------------------------
اللّٰہ ہر نوں سنگت حلالی بخشے۔تے کرے سجنڑ دا پیار عطا اے
وسے ہر کوئی سنگت سہیلی وچ۔ ہاسےخوشیاں نال سدا اے
کسے سجنڑ تو سجنڑ حیاتی ساری ۔نہ ہووے قطعن جدا اے
جگ سنگتاں نال آباد روے ۔ میری قاسم نیک دعا اے
۔۔۔قاسم جعفری۔۔27
----------------------------------------
میں لفظ وفا دی قدر کرینداں۔عباسؑ میرا سردار اے
ہر نال وفا میتھے واجب ائے۔لجدار دا ہاں پیروکار اے
لجپالیاں دی رہی زندگی ساری۔میرےپیرؑ دے سر دستار اے
میں نوکر قاسم غازیؑ دا۔میرے گھر تے علم سنوار اے
۔۔قاسم جعفری۔۔۔28
----------------------------------------
میری نیت تے جے تن شک ہووے۔کسے موڑ تے من آزما لے
میرا دل ائی کورے کاغذ وانگوں ۔اہیا گل میری ذہن اچ پا لے
کسے مسجد دےوچ قاسم تو۔بیشک توں قسم چوا لے
میرےپیار تے شک نہ کیتا کر۔بھانویں دل تے خنجر چلا لے
۔۔قاسم جعفری۔۔29
----------------------------------------
اج دل ائے تیرے حسن اتے۔میرا ڈھول کتاب چاں لکھاں
لکھاں لال یعقوتی ہونٹ تیرے۔مکھ وانگ مہتاب چاں لکھاں
اکھاں کجلیاں زلفاں ریشمی لکھ کے۔انگ انگ نایاب چاں لکھاں
تیرے بدن دی قاسم خوشبو نوں۔میں مثل گلاب چاں لکھاں
۔۔۔قاسم جعفری۔۔30
----------------------------------------
شروع لا توحید مزاج ہاں میں۔تائیں جاہ جاہ دل نئیں لایا
خود غرضاں وانگوں مطلب کڈھ کے۔سانگا کدی نئیں روز وٹایا
کسے ہور دے بارے سوچنڑ دا۔میرے زہن دےوچ نئیں آیا
میں قاسم اپنڑی زندگی وچ۔بس ہک ائی سجنڑ بنڑایا
۔۔۔قاسم جعفری۔۔31
----------------------------------------
ساڈا ساری عمر روجھان رہیا۔ہکا توئیں دلبر دے پاسے
تینوں نفعے نال سیراب کیتا۔بھانویں رہے آں آپ پیاسے
بےلوث غلام جناب اوراں دے۔ہر ویلے قاسم ہاسے
جویں توئیں سن یار بھلا چھڈیا۔اساں بھلنڑ دی چیز تاں ناسے
۔۔۔قاسم جعفری۔۔۔32
----------------------------------------
نبھی ساری عمر شرافت وچ۔ٹھگ چور دا سنگ نئیں کیتا
ہئے رکھیا قائم ضمیر اپنڑاں۔برے دور دا سنگ نئیں کیتا
جہڑی ادھ راہ قاسم ترٹ جاوے۔کچی ڈور دا سنگ نئیں کیتا
توں جدنڑ دا میرا بیلی بنڑیا ایں۔وت ہور دا سنگ نئیں کیتا
۔۔قاسم جعفری۔۔۔33
----------------------------------------
ناکام زلیل خوار ہوندا۔ساری زندگی بے استاد اے
بدنیتاں دےنئیں ہو سگدے۔کسے قیمت گھر آباد اے
میں کملے رملے قاسم دی۔رکھیں ہک گل کملی یاد اے
سکھی زندگی دے وچ ہو نئیں سگدی۔کدی نافرمان اولاد اے
۔۔کلام قاسم جعفری۔۔34
----------------------------------------
ساڈی توبہ اج دیاں سنگتاں توں۔نالے وقتی یار توں توبہ
ساڈی توبہ اندر دے کھوٹے توں۔جھوٹے قول اقرار توبہ
سئے واری ساڈی توبہ توبہ۔اعتبار دی مار توں توبہ
اساں تن تنہا ائی بہتر ہاں۔ساڈی قاسم پیار توں توبہ
۔۔قاسم جعفری۔۔35
----------------------------------------
تہانوں ملنڑ دے واسطے آئے ہاسے۔تساں ویکھ کے تاک بھنوا لے
اساں پچھیا تہاتھوں حال تہاڈا۔تساں چپ دے جندرے لا لے
اساں قاسم دستک دیندے ٹر گئے۔تساں لوگ شریک ہسا لے
ساڈے منہ چوں لفظ دیدار دے نکلے۔تساں ڈھول نقاب سوا لے
۔۔۔قاسم جعفری۔۔۔36
----------------------------------------
تیرے درشن دی رہی اکھیاں نوں۔میرا ڈھول پیاس سدا اے
اساں کے منگیا تیتھوں زندگی وچ۔بس ہک ملاقات سوا اے
بیشک توئیں غیر دے آکھے تے۔لیا مکھ ساتھوں پرتا اے
ساڈی اکھ اچ اجنڑ وی قسم خدا دی۔تیرا قاسم ڈھیر حیا اے
۔۔۔کلام قاسم جعفری۔۔37
----------------------------------------
تیرا نکیاں لا دا بیلی ہاں۔نہ جھک شرما ,ذرا نیڑے آ
اکھیں پا کے میریاں اکھیاں وچ۔مینوں کول بہا,میرا دل ولچا
سر رکھ کے میرے سینے تے۔زلفاں بکھرا,تھوڑا پیار ودھا
اج قاسم چن جئے مکھڑے توں۔نقاب ہٹا,مینوں ہونٹ چما
۔۔۔قاسم جعفری۔۔۔38
----------------------------------------
تیرے کوئی نئیں پر پرواز دے قابل۔رہو آہلنڑے وچ آزاد نہ بنڑ
لتاں قاسم کچیاں جاہئیں تے رکھ کے۔کمزور جئی بنیاد نہ بنڑ
میرے اگوں اگوں ٹر کے ہتھاں دی جم۔ہنجے نافرمان اولاد نہ بنڑ
تیری رگ رگ تو میں واقف ہاں۔شاگرد ائی رہو استاد نہ بنڑ
۔۔۔قاسم جعفری۔۔۔39
☆☆☆☆☆☆☆☆☆☆☆☆
اے مسلم پکا دھرتی تے۔ایمان مبارک ہووی
پنج وقت نماز تے پنج وقتاں دی۔اذان مبارک ہووی
ہویا نازل پاک محمدؐ تے۔قرآن مبارک ہووی
رحمت تے قاسم برکت آلا۔رمضان مبارک ہووی
۔۔۔قاسم جعفری۔۔40
----------------------------------------
کلام استادے محترم قاسم جعفری
آ عید دے دن نزدیک گئے۔کجھ سوچیں ہا ڈھول رسائی دا
ہتھ جوڑ کے منت کریندا ہاں۔کر سلسلہ ختم جدائی دا
تینوں قاسم تحفے نہ دیواں۔کہڑا فائدہ سجنڑ کمائی دا
اوراں لسٹ بنڑا کے سینڈ کر مینوں ۔تینوں کے کجھ عید تے چاہی دا
۔۔۔قاسم جعفری۔۔۔41
----------------------------------------
اسمان تے عید دا چن چڑھیا۔نبھے ویلے آ گئے یاد اے
میری اکھ چوں لشکر ہنجواں دے۔وت ٹر پئے لاتعداد اے
نویں سوٹ سوا ہتھ مہندیاں لا۔وس ہر دم ڈھول آباد اے
میری طرفوں عیدالفطر دی قاسم۔ہووی سجنڑ مبارک باد اے
۔۔۔قاسم جعفری۔۔۔42
----------------------------------------
آیا فلک تے نظری عید دا چن۔توں چن جئی شکل لکاؤں ایں
میرے جگر تے بے پرواہیاں دے۔جند جیوی خنجر چلاؤں ایں
قاسم نوں وت مجبوریاں دا۔میرا ڈھول پہاڑ تکاؤں ایں
شک پوندا عید غریباں دی۔اس سال وی چن کھچکاؤں ایں
قاسم جعفری ۔۔۔43
----------------------------------------
لوکو آ گیا نظری عید دا چن۔ہویا مسجد وچ اعلان اے
کنی سنڑ کے عید دی آمد آمد ۔ہویا ڈاڈھا دل پریشان اے
اس سال وی جانڑ کے نئیں آیا۔میریاں مرضاں دا لقمان اے
ائے عید وی قاسم روندیاں نبھسی۔ارمان ارمان ارمان اے
۔۔۔قاسم جعفری ۔44
----------------------------------------
چن عید شوال دا چڑھ گیا ہئی۔ہنڑ لا نئیں دیر مزید اے
میرا محسن تیرے آونڑ دی۔میرے دل نوں ڈھیر امید اے
وعدہ بھل نہ جاویں آونڑ دا۔میری وت وت ہئی تاکید اے
اس سال تاں قاسم وطناں تے۔رلے سجنڑ منائیے عید اے
۔۔۔قاسم جعفری۔45
----------------------------------------
آ رل کے عید دے جشن منائیے۔ہئے حسرت دل بیتاب اچ
الله واسطے قاسم ہک واری۔توڑے آ ونج دلبر خاب اچ
پیا بعد جناب دے نبھدا ائے۔میرا پل پل ڈھول عذاب اچ
توں رنج ہوویں اساں عید منائیے۔کہڑی لکھیا یار کتاب اچ
قاسم جعفری 46
----------------------------------------
اللہ واسطے ڈھول منیوہ کر لے۔تیرے پیری ہتھ نت لاواں,ترلے پاواں
سینے پوڑ کےسانگ بے تکیاں دی۔نہ دےبےجرم سزاواں,مر نہ جاواں
میں عیدالفطر دےبعد تیرے۔کویں قاسم جشن مناواں,مہندیاں لاواں
یا عید دے دن دس ماتمی بنڑ کے۔کالے کپڑے پاواں,سوگ مناواں
۔۔۔قاسم جعفری...47
----------------------------------------
انشاءاللہ عید اکھٹیاں نبھسی۔بائیں بائیں اچ قاسم پا کے
حیران ہو کے سن پھوڑن آلے۔پئےتکسن اڈیاں چا کے
میرے اونڑ تو پہلے بھیرے دی۔توں مہندی رکھ منگوا کے
اس عید تے قاسم پونڑے ہن۔اساں ہکا جئے سوٹ سوا کے
۔۔۔قاسم جعفری۔. 49