قابوس بن سعید

قابوس بن سعید بن تیمور آل سعید (انگریزی: Qaboos bin Said al Said، عربی: قابوس بن سعيد آل سعيد) سلطنت عمان دے سابقہ سلطان ہن۔انہاں نے 50 سال تک اپݨے ملک عمان دی خدمت کیتی تے اونکوں ترقی دی راہ تے گامزن کیتا۔

سلطان قابوس دی خدمات

1970 ء اچ عمان دا تخت سنبھالݨ والے سلطان قابوس 18 نومبر 1940ء کوں عمان دے شہر صلالہ وچ پیدا تھئے ۔گزشتہ طویل عرصے توں سلطنت عمان تے حکمرانی کرݨ والے سلطان قابوس نے ابتدائی تعلیم عمان توں ہی حاصل کیتی ۔انہاں نے 1960ء وچ برطانوی شاہی ملٹری اکیڈمی وچ شمولیت اختیار کیتی تے ول مغربی جرمنی وچ برطانوی فوج وچ کجھ عرصہ تربیت حاصل کیتی۔1964ء وچ آبائی وطن واپس آئے تے اتھاں انہاں نے اپݨا زیادہ تر وقت اسلامی قانون تے عمانی تاریخ دے مطالعے وچ صرف کیتا۔1970ء اچ 29 سال دی عمر اچ انہاں نے اپݨے والد سید بن تیمور دا تختہ الٹا ہئی جیندے بعد تیل دی دولت دا استعمال کریندے ہوئے انہاں نے عمان کوں ترقی دی راہ تے گامزن کر ݙتا۔دلچسپ ڳالھ ایہ ہے کہ سلطان قابوس بن سعید عمان دے تمام اہم تے وݙے عہدیاں تے خود فائز رہے۔ اوہ سلطنت عمان دے سلطان دے نال نال وزیراعظم، آرمی چیف، وزیر دفاع، وزیر خزانہ، وزیر خارجہ تے اسٹیٹ بینک دے گورنر وی رہ چکے ہن۔ سلطان قابوس غیر شادی شدہ ہن تے انہاں دا کوئی وارث یا نامزد جانشین نہ ہئی۔ انہاں دا کوئی ݙوجھا بھرا وی نی ،البتہ ہک بھیݨ ہے ۔سلطان قدوس کوں انہاں دی بہترین سیاسی ، اقتصادی ، عسکری، سماجی تے ثقافتی خدمات کوں عالمی سطح تے وی سراہا ڳیا تے بیشتر ایوارڈز نال وی نوازا ڳیا۔سلطان قابوس دی خدمات سلطان قابوس کوں 2001ء اچ حکومت پاکستان دی جانب توں نشان پاکستان دا اعزاز ݙتا ڳیا ہئی جبکہ 2004ء اچ جواہر لعل نہرو ایوارڈ وی ݙتا ڳیا۔اکتوبر 2018ء اچ سلطان قابوس نے اسرائیل دے وزیر اعظم بینجمن نیتن یاہو دا سلطان دی دعوت تے دورہ تاریخی اہمیت دا حامل ہے۔ نیتن یاہو گزشتہ 20 سال دے دوران عمان دا دورہ کرݨ والے پہلے اسرائیلی وزیر اعظم ہن۔ نیتن یاہو دورہ عمان دے دوران سلطان قابوس دی شخصیت تے انہاں دی دور اندیشی توں کافی متاثر تھئے ہن۔

وفات

عمان دے سلطان قا بوس بن سعید 79 سال دی عمر وچ وفات پا ڳئے۔ مقامی میڈیا دے مطابق سلطان طویل عرصے توں علیل ہن تے کینسر دے مرض اچ مبتلا ہن۔ اوہ گذشتہ مہینے وچ ہی بیلجیم توں طبی معائنے تے علاج دے بعد وطن واپس آئے ہن۔